Egg Fried Rice විනාඩි විස්සකින් රයිස් එකක්

Egg Fried Rice එක මිනිත්තු 20 ක පමණ කාලයකින් පහසුවෙන් සකසා ගත හැකි පෝෂ්‍යදායී ආහාරයක්. උදේ ආහාරයටත් කදිමයි.

අවශ්‍ය ද්‍රව්‍ය ( හතර දෙනෙක් සඳහා)

• වතුර කෝප්ප 01
• සෝයා සෝස් මේස හැඳි 01
• ලුණු
• පිසූ බත් කෝප්ප 01
• එළවළු තෙල් මේස හැඳි 01
• සිහින්ව කැපූ ළූණු
• ග්‍රීන්පීස් කෝප්ප බාගයක්
• ගසාගත් බිත්තර 01
• ගම්මිරිස් කුඩු

සාදන ක්‍රමය

බඳුනකට වතුර, සෝයාසෝස් සහ ලුණු එක්කර ලිප තබන්න. වතුර උතුරනවිට එයට බත් එකතු කරන්න. බත් එක ලිපෙන් ඉවත්කර විනාඩි පහක් පමණ වසා තබන්න. ග්‍රීන්පීස් සහ ලූණු එළවළු තෙල් යොදා බැදගන්න. එයට ගසාගත් බිත්තරයද එක් කර විනාඩි දෙකක් පමණ බැදගන්න. දැන් එයට බත් එකතු කරන්න. ගම්මිරිස්ද එක් කරගනිමින් හොඳින් මිශ්‍ර කරගන්න.