Australia – පසුගිය වසරේ ජූලි මාසයේ සිට මේ වසරේ මැයි දක්වා සංචාරක වීසා ලෙස ඔස්ට්රේලියාවට පැමිණීමට අයැදුම්පත් 360,000ක් ලැබී ඇති අතර ඔවුන් සංචාරක වීසාවෙන් ඔස්ට්රේලියාවට පැමිණ ශිෂ්ය වීසාවට මාරු වීමේ ලැයිස්තුව බව ඔස්ට්රේලියානු අගමැති කාර්යාලය නිවේදනයක් නිකුත් කර තිබේ. සංචාරක වීසා ලබා ගෙන ඔස්ට්රේලියාවට පැමිණ ශිෂ්ය වීසාවට මාරු වීමේ ක්රමවේදය ජූලි 1වන දා සිට අත්හිටුවීමට ඔස්ට්රේලියානු රජය ගත් තීරණයකට අනුව “වීසා පැනීම” ලෙස හඳුන්වන එම ක්රමය වළක්වා දැමීම එම තීරණයේ අරමුණ වී තිබේ.
අධ්යයනය කිරීමට පැමිණෙන්නන් සහ සංක්රමණ සංඛ්යාව අඩු කිරීමට ඔස්ට්රේලියාව මෙම වසර මුල සිට ප්රතිපත්ති ක්රියාත්මක කළ අතර ඒ පිළිබඳ රෙගුලාසි දැඩි කිරීමේ තවත් පියවරක් ලෙස ඔස්ට්රේලියානු රජය මෙම තීරණය ගෙන ඇති බව වාර්තා වේ. මේ අනුව, ඔස්ට්රේලියාවේ සංක්රමණ උපාය මාර්ගයන් ජාත්යන්තර අධ්යාපනයේ ඇති හිස්තැන් වැසීම සඳහා පැහැදිලි සැලැස්මක් සහිතව ක්රියාත්මක බවත්, එහි මීළඟ පියවර ලෙස වීසා පැනීම නවත්වන බවත් ඔස්ට්රේලියානු පාර්ලිමේන්තු මන්ත්රීවරියක පවසා තිබේ. එසේ ම, ඔස්ට්රේලියාවට පැමිණෙන සෑම උපාධිධාරින් තුන් දෙනකුගෙන් එක් අයෙක්ම අඩු මුදලක පාඨමාලා සඳහා ඔස්ට්රේලියාවට පැමිණ බොහෝ කාලයක් එහි රැඳී සිටින බව ග්රැටන් ආයතනය නිකුත් කළ වාර්තාවක සඳහන් වේ.
