NPP – කෙටිම කාලයක් තුළ වැඩිම බොරු තොගයක් කී ආණ්ඩුව ජාතික ජන බලවේග ආණ්ඩුව බව විපක්ෂ නායක සජිත් ප්රේමදාස පවසනවා. ආණ්ඩුව කට ඇරියොත් ප්රකාශ කරන්නේ බොරුවක් බවත්, බොරු ප්රකාශ කිරීම හේතුවෙන්ම ‘ටොම් පචයා’ නැමති ලේබලය වැදී ඇති බවයි ජන හමුවක් අමතමින් විපක්ෂ නායකවරයා සඳහන් කළේ.
පළාත් පාලන ආයතනවලට මුදල් ලැබෙන්නේ එය ජාතික ජන බලවේගයේ නම් පමණක් බවට ප්රකාශ කිරීම ජනාධිපතිවරයෙක් නොකිවයුතු කතාවක් බවද, එය මැතිවරණ නීති උල්ලංඝණය කිරීමක් බවද විපක්ෂ නායකවරයා ප්රකාශ කළා. ජනාධිපතිවරයාගේ එම ප්රකාශය හරහා පෙන්නුම් කරන්නේ, පරදින ගමනේ අවසාන තුරුම්පුව වන්නේ ප්රතිපාදන ලබා නොදීම බව යැයිද විපක්ෂ නායකවරයා වැඩිදුරටත් ප්රකාශ කර සිටියා.
