Vasavilan – palali වසර 34ක් පුරා වසා තිබූ වසාවිලාන් – පලාලි මාර්ගය අද (10) උදෑසන යළි විවෘත කිරීමට පියවර ගෙන තිබෙනවා.
මෙම මාර්ගය අධි ආරක්ෂක කලාපයක් වන නිසා සහ යුද හමුදා නිල නිවාස හරහා දිවෙන බැවින්, ආරක්ෂක හේතුන් මත, නීතිරීති මාලාවක් යටතේ මහජනතාවට විවෘත කිරීමට පියවර ගෙන ඇති බවයි සඳහන් වෙන්නේ.
ඒ අනුව මෙම මාර්ගය මහජනතාවට විවෘත වන්නේ උදෑසන 6.00 සිට සවස 5.00 දක්වා පමණක් වන බවද, එසේම එම මාර්ගය ඔස්සේ ගමන් ගන්නා මගීන් සහ රියදුරන් අවශ්‍ය වූ ඕනෑම මොහොතක දී සිය අනන්‍යතාවය තහවුරු කිරීමට සුදානමින් සිටිය යුතු බවද දන්වා තිබෙනවා.
එසේම අදාළ මාර්ගයේ කිසිවිටෙකත් පයින් ගමන් කිරීම හෝ පාපැදියෙන් ගමන් කිරීම තහනම් වන අතර මගී ප්‍රවාහන බස්රථ හැර අනෙකුත් බර වාහන කිසිවක් ධාවනය කළ නොහැකි බවයි වැඩිදුරටත් සඳහන් වෙන්නේ.
