Tempered Chicken liver
රෝස් පාං එක්ක, උණුබත් එක්කත් රසයි මෙහෙම හැදුවම
අවශ්ය දේවල් :
චිකන් පීකුදු
බී ලූනූ
අමුමිරිස් හෝ මාළු මිරිස්
කරපිංචා, රම්පේ
කහකුඩු චුට්ටක්
කෑලිමිරිස් ,ගම්මිරිස්
විනාකිරි චුට්ටක්
සෝයා සෝස්
කරදමුංගු ඇට දෙකක්
තලා ගත් සුදුලූණු
ඉගුරු
තක්කාලි
පීකුදු ටික හොදින් හෝදල කහකුඩු ,ලුනු ,ගම්මිරිස් කුඩු, විනාකිරි , සෝයා සෝස් දාල පොඩ්ඩක් සීසන් වෙන්න තියන්න. පෑන් එකකට තෙල් ටිකක් දාල තෙල් රත්වෙද්දී ඒකට සුදුලූනූ , ඉගුරු රම්පේ , කරපිංචා , මාළු මිරිස් , කරදමුංගු ටික දාලා තෙම්පරාදු කරගන්න. දැන් තක්කාලි ටිකකුත් දාල කලවම් කරන් කෑලි මිරිස් එක් කර චිකන් ලීවර් ටිකත් දාල හොදින් කලවම් කරලා පොඩ්ඩක් බැදෙන්න අරින්න . කපාගත් බීලූනූත් එකතු කරන්න . ( මම කැරට් පොඩි අලයක්,ගෝවා , ලීක්ස් පොඩ්ඩකුත් එකතු කරා)
දැන් හොඳින් කලවම් කරල පියනකින් වහන්න.වතුර උනලා මේ ටික හොදින් තැම්බුනාම පියන ඇරලා හින්දලා ගන්න.
හිදුනට පස්සේ කැමති නම් මිටිකිරි ටිකක් එක් කරලා රස අනුව ලුනු දමා ගන්න.
