Sri Lanka vs New Zealand සංචාරක නවසීලන්ත කණ්ඩායම සහ ශ්රී ලංකා කණ්ඩායම අතර ඊයේ (09) රංගිරි දඹුලු ක්රීඩාංගනයේ පැවති පළමු 20/20 ක්රිකට් තරගයෙන් කඩුලු 4ක ජයක් හිමිකර ගැනීමට ශ්රී ලංකා කණ්ඩායම සමත් විය. තරගයේ කාසියේ වාසිය දිනූ නවසීලන්ත නායකයා පළමුවෙන් පන්දුවට පහරදීමට තීරණය කළේය. එහෙත් නවසීලන්ත නායකයාගේ තීරණයට එතරම් සාධාරණයක් ඉටු කිරීමට පිතිකරුවන්ට නොහැකි විය. ඒ අනුව නවසීලන්ත පිලේ පළමු කඩුලු 8 ලකුණු 96කට දවා ගැනීමට ශ් රී ලංකා පන්දු යවන්නෝ සමත් වූහ.
නවසීලන්තය වෙනුවෙන් 9 වැනි කඩුල්ලට ලකුණු 39ක සබඳතාවක් ගොඩනැගීමට Ash Sodhi සහ Zach Fox සමත් වූහ. මෙය නවසීලන්තය කඩුල්ලක් සඳහා රැස්කළ වැඩිම ලකුණු සංඛ්යාවයි. ඒ අනුව නවසීලන්ත කණ්ඩායමට පන්දුවාර 19යි පන්දු 3කදී සියලු දෙනා දැවී ලබාගත හැකි වූයේ ලකුණු 135ක් පමණයි.
මයිකල් බ්රේස්වෙල් ලකුණු 27ක් සහ සැක් ෆොක්ස් නොදැවී ලකුණු 27ක් ලබාගත්තා.
පන්දු යැවීමේදී ඩොනිට් වෙල්ලා ලකුණු 20කට කඩුලු 3ක් ද නුවන් තුෂාර, විනිඳු හසරංග සහ මතීෂ පතිරණ කඩුලු 2 බැගින් ද දවා ගත්හ.
ලකුණු 136ක ඉලක්කයක් හඹා ගිය ශ්රී ලංකා කණ්ඩායම පන්දුවාර 19ක් අවසානයේ කඩුලු 6ක් දැවී ලකුණු 140ක් ලබා ගත්තා.
ශ්රී ලංකා ඉනිමේ දී නායක චරිත් අසලංක නොදැවී ලකුණු 35ක් රැස් කළේය. මේ අනුව 2020 තරග දෙකකින් සමන්විත තරගාවලිය 1-0ක් ලෙස පෙරමුණ ගැනීමට ශ්රී ලංකා කණ්ඩායම සමත් විය.
