Sheikh Hasina – බංගලාදේශයේ ශිෂ්‍ය විරෝධතා හමුවේ බංග්ලාදේශ අග්‍රාමාත්‍ය ධුරයෙන් ඉල්ලා අස් වී රටින් පලා ගිය ෂෙයික් හසීනා, ඉන්දීය රජයේ අනුග්‍රහය යටතේ, තවමත් ඉන්දියාවේ රැඳී සිටින බව විදෙස් පුවත් අනාවරණය කරයි. ඇය දිල්ලි අගනුවර සිට කිලෝමීටර් 30ක් පමණ දුරින් පිහිටි ඉන්දියාවේ Hindon ගුවන් හමුදා කඳවුරින් ඉන්දියාවට ඇතුල්වී ඇති බව NDTV වාර්තා කර තිබිණි. අගමැතිනිය ඉන්දියාව වෙත පලා ගොස් ඇත්තේ, ඇගේ සොහොයුරිය රෙහානා සමඟ වන අතර ඇය බ්‍රිතාන්‍ය පුරවැසියෙකි. හසීනා, දේශපාලන රැකවරණ පතා එක්සත් රාජධානිය බලා යෑමට අවස්ථාව ලැබෙන තුරු ඉන්දියාවේ රැඳී සිටින බවත්, ඇයගේ එම ගුවන් ගමන සඳහා යානයට අවශ්‍ය ඉන්ධන සපයන බව ඉන්දීය රජය විසින් ප්‍රකාශ කර ඇති බවත් NDTVපුවත් සේවය වැඩිදුරටත් වාර්තා කර තිබිණි.
–NDTV පුවත් ඇසුරෙනි-
