Pedicure යනු දෙපාවල සුන්දරත්වය සුරැකීම සඳහා මෙන්ම නියපොතුවල ඇතිවන ගැටළු සහ පාදවල ඇතිවන ආසාදන දුරලීමට, සමේ වියපත් බව නැතිකිරීමට සිදු කරනු ලබන සත්කාරයක්. මේ අදියර පහකින් නිවසේදීම පහසුවෙන් එය සිදුකරනු ලබන ආකාරයයි.
1. පිරිසිඳු කිරීම (Cleanse)
මද උණුසුම් ජලයෙන් දෙපා හොඳින් සෝදා, නිය ආලේපන තවරා ඇත්නම් Remove එකක් භාවිතයෙන් ඒවා ඉවත් කර ගන්න.
2. මැරුණු සම ඉවත් කිරීම (Soak & Scrub)
බේසමකට මද උණුසුම් ජලය දමා එයට ෂැම්පු බිඳු කිහිපයක් සහ ලුණු එකතු කරන්න. මෙම මිශ්රණයේ විනාඩි 10- 15 ක් පමණ දෙපා පොඟවාගන්න. බුරුසුවක් හෝ පියුමික් ස්ටෝන් එකක් භාවිතයෙන් සෙමින් අතුල්ලමින් දෙපාවල මැරුණු සම ඉවත්කරගන්න. මෙමගින් ඔබේ දෙපාවලට මෘදුබවක් ලබා දෙයි.
3. නියපොතු කැපීම (Cut & File)
නියපොතු කපාගන්න. නිය අගිස්සේ රළු දාර මෘදු කරගන්න.
4. තෙතමනය සුරැකීම (Moisturizer)
දෙපාවල තෙත මාත්තු කර තෙතමනය සුරකින ක්රීම් වර්ගයක් ආලේප කරමින් සම්බාහනය කරගන්න.
5. නිය ආලේපන ගැල්වීම (Nail Paint)
දැන් ඔබ කැමති වර්ණයකින් නියපොතු අලංකාර කරගන්න.
