New Zealand vs Sri Lanka තරඟ දෙකකින් සමන්විත ටෙස්ට් තරගාවලිය සැප්තැම්බර් 18 වැනිදා ගාල්ල ජාත්‍යන්තර ක්‍රිකට් ක්‍රීඩාංගණයේදී ආරම්භ වීමට නියමිතයි.
ඒ සඳහා නවසීලන්ත ක්‍රිකට් කණ්ඩායම ඊයේ (14) පෙරවරුවේ දිවයිනට ළඟා විය.
පළමු ටෙස්ට් තරගය ලබන 18 වැනිදා සිට 23 වැනිදා දක්වා පැවැත්වෙන අතර පළමු ටෙස්ට් ක්‍රිකට් තරගය මහජනතාවට නොමිලේ නැරඹීමට අවස්ථාව ලබාදීමට ශ්‍රී ලංකා ක්‍රිකට් ආයතනය කටයුතු යොදා ඇත. ඒ අනුව ගාලු ක්‍රීඩාංගණයේ අංක 4 ගේට්ටුවෙන් මහජනතාවට ක්‍රීඩාංගණයට ඇතුළු වීමට අවස්ථාව හිමි වේ.
ලබන 21 වැනිදා පැවැත්වෙන ජනාධිපතිවරණය සඳහා 21 වැනිදා නිවාඩුවක් ප්‍රකාශයට පත් කර ඇති අතර එදින ක්‍රීඩකයින්ට ඔවුනට අදාල චන්ද මධස්ථාන වෙත ගොස් ඡන්දය ප්‍රකාශ කර නැවත පැමිණෙන ලෙස ශ්‍රී ලංකා කණ්ඩායමේ ක්‍රීඩකයින්ට දැනුම් දී ඇතැයි වාර්තා වේ.
