Lotus tower: පෙරේදා (අගෝ. 09) කොළඹ නෙළුම් කුළුණේ දේපළවලට හානි කළ බව කියන කාන්තාවන් පිරිසක් සහ පිරිමි පුද්ගලයෙකු අත්අඩංගුවට ගෙන තිබෙනවා.
CCTV දර්ශනවලට අනුව, කාන්තාවන් ඉහලම නැරඹුම් මහලේ දාරයේ යමක් ලියන ආකාරය නිරීක්ෂණය වී නෙළුම් කුළුණ කළමණාකරන සමාගම විසින් කළ දැනුම්දීමකට අනුව මරදාන පොලිසිය විසින් මෙම පිරිස අත්අඩංගුවට ගෙන තිබෙනවා.
දේපළවලට අලාභ හානි සිදු කරන පුද්ගලයන්ට එරෙහිව දැඩිව නිතිය ක්‍රියාත්මක කරන බව එය නරඹන්නට එන අයව නෙළුම් කුළුණ කළමණාකාරීත්වය විසින් දැනුවත් කර තිබියදිත් එම අනතුරු ඇඟවීම් නොතකා කටයුතු කර ඇති බවටයි එම සමාගම පවසන්නේ. පසුගිය කාලය තුළ විනාශකාරී සිද්ධීන් ඉහළ ගොස් ඇති බවත් එම සමාගම ප්‍රකාශ කරනවා.
