Imran Khan – සිරගත කර සිටින හිටපු අගමැති ඉම්රාන් ඛාන්ගේ මිත්‍ර පාක්ෂිකයින් පසුගිය බ්‍රහස්පතින්දා පැවති මතභේදාත්මක ඡන්දයෙන් ජාතික සභාව හෙවත් පාර්ලිමේන්තුවේ පහළ මන්ත්‍රී මණ්ඩලයේ වැඩිම ආසන සංඛ්‍යාවක් දිනා ගත්හ. එය, ජාතික සභා ආසන 265 න් 93 ක් විය. Pakistan Tehreek-e-Insaf party (PTI) පක්ෂය ජන්ද ප්‍රචාරක රැස්වීම්, මැතිවරණ දිනයේ ඡන්ද පොළ නියෝජිතයින් සහ අන්තර්ජාල සීමා කිරීම් හමුවේ ලබාගත් මෙම ප්‍රතිපලය ජන්ද නිරීක්ෂකයින් පවා කම්පනයට පත් කොට තිබේ. කෙසේ වෙතත් ආණ්ඩුවක් පිහිටුවීමට PTI පක්ෂයට එම ආසන සංඛ්‍යාව ප්‍රමාණවත් නොවේ.
පකිස්තාන ආණ්ඩුක්‍රම ව්‍යවස්ථාව අනුව දේශපාලන පක්ෂ විසින් පෙබරවාරි 29 වැනි දිනට හෝ මැතිවරණ දිනයෙන් සති තුනකට පසු ආණ්ඩුවක් පිහිටුවිය යුතුය. ජාතික සභාවට ආසන 336ක් ඇති අතර, ඉන් 266ක් සෘජු ඡන්දයෙන් තීරණය වන අතර 70ක් කාන්තාවන් සඳහා 60ක් සහ මුස්ලිම් නොවන අයට 10ක් – වෙන් කර ඇති අතර, මේවා සභාවේ එක් එක් පක්ෂවල ශක්තිය අනුව වෙන් කෙරේ. හිටපු අගමැතිවරයෙකු වන Nawaz Sharif ගේ පකිස්ථාන මුස්ලිම් ලීගය (PML-N) ආසන 75 ක් ලබා දෙවන ස්ථානයට පත්වි ඇති අතර Bilawal Bhutto Zardariගේ නායකත්වයෙන් යුත් පාකිස්තාන මහජන පක්ෂය (PPP) ආසන 54 ක් ලබා තුන්වන ස්ථානයට පත්ව තිබේ. “එය ඛණ්ඩනය වූ ජනවරමක් වන අතර එහිදී කිසිදු පක්‍ෂයකට සරල බහුතරයක් නොමැත. එසේ වුවද ඔවුන්ට පැවැත්ම සඳහා පොදු පදනමක් සොයා ගැනීමට හෝ සභාගයක් පිහිටුවීමට සිදුවනු ඇත,” දේශපාලන විශ්ලේෂක Rafiullah Kakar ඉස්ලාමාබාද් හි සිට BBC උර්දු සේවය වෙත එසේ පවසා තිබිණි.
-BBC News සහ AP News ඇසුරෙනි-
Image Source: BBC News / AP News
