Drunk Driving බිමත්ව රිය පැදවූ පාසල් සිසුන් අත්අඩංගුවට
බණ්ඩාරවෙල ප්රදේශයේ පාසලක ඉගෙනුම ලබන සිසුන් තිදෙනකු, බිමත්ව රිය පැදවීමේ චෝදනාව යටතේ අත්අඩංගුවට ගෙන තිබෙනවා. ඔවුන් මෙසේ සැකපිට අත්අඩංගුවට ගෙන ඇත්තේ බණ්ඩාරවෙල – ලියන්වල වත්ත ප්රදේශයේ දීය.
පාසල් සිසුන් තිදෙනෙකු විසින් පදවාගෙන එනු ලබන යතුරුපැදි තුනක් පිළිබඳව සැක සිතූ, රථවාහන රාජකාරියේ යෙදී සිටි පොලිස් සැරයන්වරයෙකු ඔවුන්ව නවතා පරික්ෂා කිරීමේදී මෙම පාසල් සිසුන් බිමත්ව සිටි බව තහවුරු වූ බවයි පැවසෙන්නේ.
සිසුන් පදවාගෙන පැමිණි යතුරුපැදි තුන පොලිස් භාරයට ගෙන ඇති අතර, ඔවුන් තිදෙනා දොළොස් වැනි වසරේ ඉගෙනුම ලබන සිසුන් බවයි පොලිස් ආරංචි මාර්ග සඳහන් කරන්නේ.
