Chicken Curry – පොල්කිරි යොදා සකසන මෙම කුකුල් මස් කරිය ඉන්දියාවේ ජනප්‍රිය ආහාරයක්. පහසුවෙන් සැකසිය හැකි මෙය උත්සව අවස්ථාවන් සඳහාද සුදුසුයි.
අවශ්‍ය ද්‍රව්‍ය
• ඔලිව් තෙල් මේස හැඳි 02
• සිහින්ව කැපූ ළූණු ගෙඩියක්
• සුදුළූණු (අඹරන ලද) මේස හැඳි 01
• ඉඟුරු (අඹරන ලද) මේස හැඳි 01
• කටු ඉවත් කරන ලද කුකුල් මස් 500g
• කරි පවුඩර් මේස හැඳි 2
• කහ කුඩු තේ හැඳි 01
• දුරු කුඩු තේ හැඳි 01
• ලුණු
• තක්කාලි පේස්ට් මේස හැඳි 01
• චිකන් ස්ටොක් 250 ml
• පොල් කිරි 400 ml
• සීනි තේ හැඳි 01
• කොත්තමල්ලි කුඩු මේස හැඳි 02
සාදන ක්‍රමය
පෑන් එකකට ඔලිව් තෙල් දමා මදක් රත් කර එයට ළූණු, සුදුළූණු සහ ඉඟුරු එක්කොට රන්වන් පැහැ වෙන තුරු බැදගන්න. ඉන්පසුව කුකුල් මස් එක් කරන්න. විනාඩි 3 – 4 ක් පමණ පිස ගනිමින් කරි පවුඩර්, ලුණු, කහ සහ දුරු එකතු කරන්න. ඊළඟට තක්කාලි පේස්ට්, චිකන් ස්ටොක් සහ පොල්කිරි එක් කරන්න. සීනි ස්වල්පයක් එක් කර හොඳින් මිශ්‍ර කරමින් විනාඩි 10 – 12 ක් (උතුරන තුරු) පිසගන්න. අවශ්‍ය නම් කොත්තමල්ලි ස්වල්පයක් මුසු කරන්න.
