CEB – අප්‍රේල් 11 වැනිදා සිට නොරොච්චෝලේ බලාගාරයේ එක් ජනන යන්ත්‍රයක් අක්‍රීය කිරීමට පියවර ගෙන ඇති බව ලංකා විදුලිබල මණ්ඩලය පවසනවා. කැළණිතිස්ස බලාගාරයේ විදුලි උත්පාදන කටයුතු ද අප්‍රේල් 12 වන දින පෙරවරුවේ සිට නතර කළ බවයි ලංකා විදුලිබල මණ්ඩලය සඳහන් කරන්නේ.
ඒ අනුව, මේ වන විට ඉන්ධන මගින් විදුලිය උත්පාදනය කරන කිසිදු බලාගාරයක් ක්‍රියාත්මක නොවන අතර, ජල විදුලි බලාගාර සහ පුනර්ජනනීය බලශක්තියට පමණක් පුමුඛත්වය ලබා දී විදුලි උත්පාදන කටයුතු සිදුකරන බව ලංකා විදුලි බල මණ්ඩලය නිවේදනයක් නිකුත් කරමින් සඳහන් කර තිබෙනවා. අවුරුදු නිවාඩු සමය හේතුවෙන් විදුලි ඉල්ලුම අඩුවීම හමුවේ මෙම පියවර ගෙන තිබෙන බවයි වැඩිදුරටත් සඳහන් වන්නේ.
