A Cab Crash – අද [ 9 වෙනි සෙනසුරාදා] උදෑසන 6.00 ට පමණ ඌරුබොක්ක – මාවරල ප්‍රදේශයේදී කැබ් රථයක් මාර්ගයෙන් ඉවතට ලිස්සා යෑමෙන් අනතුරුව අසල තිබු ඔයකට පෙරළී තිබෙනවා. මෙසේ අනතුරට ලක්ව ඇත්තේ විජය ප්‍රවෘත්ති පත්‍ර සමාගමේ [ලංකාදීප] ප්‍රවර්ධන කටයුත්තක් සඳහා ගොස් පැමිණෙමින් තිබු එම ආයතනයේ කැබ් රථයක් බව විශ්වාසවන්ත ආරංචි මාර්ගයකින් තහවුරු වී තිබේ. අනතුර සිද්ධ වන අවස්ථාවේ කැබ් රථය තුළ පුද්ගලයන් සිව් දෙනෙකු සිට ඇති අතර ප්‍රවීන මාධ්‍යවේදී ශාන් බන්ධු වීරසිංහද ඊට ඇතුළත් වන බව දැනගන්නට ලැබෙනවා. අනතුරින් කිසිවෙකුට බරබතල තුවාල සිදුවී නැතත් කැබ් රථයට දැඩි අලාභහානි සිදුව ඇති බව සැලයි.
ප්‍රදේශවාසින් සහ පොලිසිය මැදිහත්ව පැය හයක පමණ පරිශ්‍රමයකින් අනතුරුව කැබ් රථය ඔයෙන් ගොඩට ගෙන ඇති අතර තවමත් පරීක්ෂණ කටයුතු සිදුකෙරෙමින් පවතින බව එහි සිටින විජය ප්‍රවෘත්ති පත්‍ර සමාගමේ බෙදාහැරීම් සහ ප්‍රවාහන අංශ ප්‍රධානී රංජිත් රූපසිංහ මහතා Thulana Mag කළ විමසුමකදී සඳහන් කර සිටියා.
