Bali island – ඉන්දුනීසියාවේ සුප්‍රකට සංචාරක කලාපයක් වන බාලි වෙත යමින් සිටි සංචාරකයන් රැගත් බෝට්ටුවක් ඊයේ රාත්‍රියේ (ජූලි 2) අනතුරට පත්වී තිබෙනවා. අනතුර සිදුවන අවස්ථාවේ පුද්ගලයින් 65 ක් පමණ බෝට්ටුවේ සිට ඇති අතර සිව් දෙනෙක් මියගොස් තිබෙනවා. 23 දෙනෙකු බේරා ගැනීමට හැකි වූ බවත් ආරක්ෂක අංශ මේ වන විට අතුරුදන් වූවන් සොයමින් සිටින බවත් වාර්තා වෙනවා. අනතුරට හේතුව අයහපත් කාලගුණය බව පැවසෙනවා. දූපත් බහුල ඉන්දුනීසියාවේ මෙවන් අනතුරු නිරතුරුවම පාහේ සිදුවන අතර අයහපත් කාලගුණය සහ නිසි පරිදි ආරක්ෂක ප්‍රමිතීන් නොමැති වීම මෙයට හේතු වී තිබෙනවා.
– The Guardian ඇසුරිනි –
