Harry Potter ලෙසින් ලොව පුරා ප්‍රේක්ෂකයන්ගේ ආදරය දිනාගත් Daniel Radcliffe තමන් ප්‍රථම වරට පීතෘත්වය ලැබීමේ අත්දැකීම ගැන හෙලිදරව් කර සිටියා. ඔහු පියෙක් වූයේ මීට මාස දෙකකට පමණ ඉහතදී. Entertainment Tonight සමග පැවති සම්මුඛ සාකච්ඡාවකදී Daniel Radcliffe තම දරුවා පුතෙකු බව අනාවරණය කළා. ඔහු සහ ඔහුගේ සහකාරිය Erin Darke කුඩා අමුත්තාගේ පැමිණීමේ ප්‍රීතිය අත්විඳිමින් සිටින බවත්, දරුවා ඇති දැඩි කිරීමේ ආදරණීය අත්දැකීම විඳිමින් සිටින බවත් පවසා සිටියා. දරුවාගේ පැමිණීම ඔවුන් දෙදෙනාගේ ආදරය පිළිබඳව ගැඹුරු හැඟීමක් ඇති කර ඇති වග ඔහු පැවසුවා.
2012 වසරේදී ඇතිවූ Daniel සහ Erin ප්‍රේමය ඉතාමත් ආදරණීය බැඳීමක් මෙන්ම එය අව්‍යාජ,සාමකාමී සහ තෘප්තිමත් බැඳීමක් බැව් Daniel පවසනවා. මේ වසර අවසානයේ නැවත තම වෘත්තිය ජීවිතය අරඹන බවත්, පුතුගෙන් ඈත්වී සිටීම තමාට අසීරු බවත් ඔහු පවසා සිටියා.
-Hindustan Times ඇසුරෙනි –
