හෙන්ලි විදේශ ගමන්බලපත්ර දර්ශකයේ නවතම ශ්රේණිගත කිරීම ශ්රී ලංකා විදේශ ගමන්බලපත්රය (පාස්පෝට්) ස්ථානයක් පහළට ගොස් ලොව 98වන ස්ථානයට පත්ව තිබෙනවා. වත්මන් ශ්රී ලංකා විදේශ ගමන්බලපත්රයෙන් ලොව රටවල් 41කට පමණක් වීසා රහිත ප්රවේශය ලබාගත හැකියි.
අවසන් වරට ඉකුත් සැප්තැම්බර් 11 වනදා නිකුත් කරන ලද දර්ශකයේ ශ්රී ලංකාව 97 වන ස්ථානයේ සිටියා. 2024 වසරේ දී 96 වන ස්ථානයේ සිටි ශ්රී ලංකාව මෙම වසර මුලදී 91 වන ස්ථානය දක්වා ස්ථාන 5ක් ඉදිරියට පැමිණ කැපී පෙනෙන ප්රගතියක් අත්කරගෙන තිබුණා.
ලොව බලවත්ම විදේශ ගමන් බලපත්රයට හිමි ගෞරවය තවමත් සිංගප්පූරුව සතුව ඇති අතර, එම ගමන්බලපත්රයට රටවල් 193කට වීසා රහිතව ගමන්කළ හැකියි. දකුණු කොරියාව (190) එහි දෙවන ස්ථානයේ ද, ජපානය (190) තෙවන ස්ථානයේද පසුවනවා.
අසල්වැසි ඉන්දියාව ද ස්ථාන 5කින් පහළට පැමිණ මේ වනවිට 85වන ස්ථානයේ රැඳී සිටියි. එම විදේශ ගමන්බලපත්රය යටතේ රටවල් 57කට වීසා රහිත ප්රවේශය ලබාගත හැකියි. දකුණු ආසියානු රටවල් වන බංග්ලාදේශය මෙහි 100වන ස්ථානයේද, පාකිස්තානය 103වන ස්ථානයේද පසුවනවා.
මෙහි අවසන් ස්ථානය එනම් 106වන ස්ථානයේ ඇෆ්ගනිස්තානය රැඳී සිටියි. එරට පුරවැසියන්ට රටවල් 24කට පමණක් වීසා රහිතව ගමන්කළ හැකියි.
