යුධ හමුදාව භාවිත කල ඉඩමක් වසර 35 කට පසු මහජනතාවට

අම්පාර කරයිතිව් හමුදා කඳවුර පිහිටා තිබූ යුධ හමුදාව භාවිත කල ඉඩමක් වසර 35 කට පසු නැවත මහජනතාවට භාර දී ඇත.

1990 සිට කරයිතිව්හි අක්කර භාගයක ඉඩමක ස්ථානගත කර තිබූ 10 වන විජයබාහු පාබල රෙජිමේන්තු බලඇණිය ඉවත් කරන ලද අතර, එම ඉඩම නිල වශයෙන් කරයිතිව් ප්‍රාදේශීය සභා සභාපති සුබ්‍රමනියම් භාස්කරන් (ITAK) වෙත සිකුරාදා (10) භාර දෙන ලදී.

කරයිතිව් ප්‍රාදේශීය සභාව සහ මහජන පුස්තකාල ගොඩනැගිල්ල මෙම කඳවුර තුළ පිහිටා තිබු අතර අත්පත් කර ගැනීමේදී ප්‍රාදේශීය සභාව සහ පුස්තකාලය වෙනත් ස්ථානයකට ගෙන යාමට සිදු විය.