බස්නාහිර, සබරගමුව, දකුණු, මධ්යම, ඌව සහ වයඹ පළාත් සඳහා තද වැසි පිලිබඳ සැලකිලිමත් වන ලෙස පවසමින් කාලගුණ විද්යා දෙපාර්තමේන්තුවේ, ස්වභාවික විපත් පිළිබඳ පූර්ව අනතුරු ඇඟවීමේ මධ්යස්ථානය විසින් නිවේදනයක් නිකුත් කර තිබෙනවා.
අන්තර් නිවර්තන අභිසාරී කලාපය සහ දිවයින ආශ්රිතව පවතින වායුගෝලීය කැළඹිලි ස්වභාවය දිවයිනේ කාලගුණයට බලපෑම් කරමින් පැවතීම හේතුවෙන් අද (15) සහ ඉදිරි දින කිහිපයේදී දිවයිනේ වැසි තත්ත්වයේ වර්ධනයක් බලාපොරොත්තු වන බවයි එම නිවේදනයේ දැක්වෙන්නේ.
මෙහිදී දිවයිනේ බොහෝ ප්රදේශවලට වැසි හෝ ගිගුරුම් සහිත වැසි ඇතිවන අතර, බස්නාහිර, සබරගමුව, දකුණු, මධ්යම, ඌව සහ වයඹ පළාත්වල ඇතැම් ස්ථානවලට මි.මී. 100 ට වැඩි තද වැසි ඇති විය හැකියි.
ඒ සමඟ ඇති විය හැකි තද වැසි, තද සුළං සහ ප්රබල අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවට දැනුම් දෙනවා.
