ජපානයේ පළමු කාන්තා අගමැති ලෙස ‘ජපානයේ යකඩ ගැහැනිය’ ලෙස ප්රකට Sanae Takaichi තෝරා ගෙන තිබෙනවා.
ජපාන පාර්ලිමේන්තුවේ අද (21) පැවති විශේෂ ඡන්ද විමසීමකදී ඇය මෙලෙස අගමැති ධුරය සඳහා තෝරාපත් කර ගෙන ඇති බවයි සඳහන් වන්නේ.
එම ඡන්ද විමසීමේදී පහළ මන්ත්රී මණ්ඩලයේ ආසන 237 ක් දිනා ගැනීමට ඇය සමත් වූ බව විදෙස් මාධ්ය වාර්තා සඳහන් කරනවා.
පාලක පක්ෂය තුළ ඇති විය හැකි බෙදීම වළක්වා ගැනීමට හිටපු අගමැති ෂිගෙරු ඉෂිබා පසුගිය සැප්තැම්බර් මාසයේ දී ඉල්ලා අස්වීමෙන් හිස් වූ ධුරය වෙනුවෙන් ඇය මෙලෙස පත් වී තිබෙනවා.
1961 වසරේදී නාරා ප්රාන්තයේ උපන් Sanae Takaichi, 1996 වසරේ දී පළමුවරට ජපාන පාර්ලිමේන්තුවට පිවිසි අතර, මේ වන විට අවස්ථා 10කදී සිය පාර්ලිමේන්තුවට තේරී පත් වී ඇති බවයි සඳහන් වන්නේ.
