ඕනෑම කෑමකට හරියන අඹරැල්ලා චට්නි
අඹරැල්ලා කියන්නේ ගොඩක් අය කැමති පලතුරක්. අමුවෙන් වගේම අඹරැල්ලා කරි එකත් ගොඩක් ජනප්රියයි. අඹරැල්ලා චට්නි එක අඹරැල්ලා කරියටත් වඩා රසයි. ඒ වගේම කල් තියාගෙන කන්නත් පුළුවන්. බත්, ඉඳි ආප්ප, ආප්ප වගේ කෑමත් එක්ක හොඳට ගැළපෙනවා. විටමින් C, විටමින් A, B, කැල්සියම් බහුලව අඩංගු අඹරැල්ලා ප්රතිශක්තිකරණය වැඩි දියුණු කරන්නත්, ආහාර ජීර්ණ පද්ධතියේ මනා ක්රියාකාරිත්වය සඳහාත් හොඳ කෑමක්. රසම රස අඹරැල්ලා චට්නි එකක් හදාගන්නෙ කොහොමද කියලා බලමු.
• අවශ්ය ද්රව්ය
ඇඹරැල්ලා 800g
සීනි 400g 
ඉඟුරු පේස්ට් මේස හැඳි 1 1/2
සුදුළූණු පේස්ට් මේස හැඳි 01ක්
කුරුඳු කුඩු ස්වල්පයක්
කරාබු නැටි කිහිපයක්
විනාකිරි මේස හැඳි 02 ක් (කැමතිනම් පමණක්)
බැදගත් මිරිස් කුඩු තේ හැඳි 04 ක්
මිරිස් කුඩු තේ හැඳි 03 ක්
රස අනුව ලුණු
• සාදන ආකාරය
අඹරැල්ලාවල පොතු ඉවත් කර සෝදාගන්න. ඉන්පසු ඇට ඉවත්කර අවශ්ය ප්රමාණයට (තරමක් ලොකු) කෑලි කපා ගන්න. මැටි ඇතිලියක් ලිප තියා එයට සීනි ටික දාගන්න. සීනි ටික වැහෙන මට්ටමට වඩා වැඩියෙන් වතුර දමා සීනි හොඳින් උණු කර ගන්න. ඉන්පසු ඉඟුරු පේස්ට්, සුදු ලූණු පේස්ට්, කුරුඳු කුඩු, කරාබු නැටි සහ විනාකිරි ටික එකතු කරන්න.
