ඇඟට ගැළපෙනම බ්රා එක තෝරගන්න
සිරුරට හරියටම ගැලපෙන බ්රා (Bra) එකක් ඔබගේ සුන්දරත්වය වැඩි දියුණු කරනවා. ඇඟට fit නොවන හෝ තරමට වඩා කුඩා බ්රා එකක් ඇන්දොත් දවසම අපහසුවෙන් ගත කරන්න වෙනවා. ගොඩක් කාන්තාවන්ට තියෙන ගැටළුවක් තමයි තමන්ට හරියටම ගැළපෙන බ්රා එකක් තෝරගන්නෙ කොහොමද කියන එක. බ්රා එකක් මිලට ගන්න කලින් මේ දේවල් ගැන දැන සිටීමෙන් ඔබට සුවපහසුවක් වගේම සුන්දර පෙනුමකුත් ලැබේවි.
• බ්රා එක අවශ්ය මොන ඇඳුමටද?
මේ ගැන තමයි ඉස්සෙල්ලම සැළකිලිමත් වෙන්න ඕනේ. ඔයා බ්රා එක අඳින්නෙ සාරි ජැකට් එකකටද, party frock එකකටද, අත් රහිත ඇඳුමකටද, නැත්තම් සාමාන්ය ගමන් බිමන් සඳහා ද කියන දේ ගැන හිතන්න. මොකද වෙළඳ පොලේ මේ හැම ඇඳුමකටම සුවිශේෂ බ්රා වර්ග තියෙන නිසා ගැළපෙන දේ මිලට ගන්න එක පහසුවක් වේවි.
• Bra Size එක හරියටම මැන ගන්න.
මේකට ඔයාගෙ පපුව වටේ සයිස් එක සහ පියයුරු වටේ (cup size එක) කියන දෙකම ඇතුළත්. ටේප් එක ගොඩක් තදට ඔතා නොගෙන මැන ගන්න. සිරුරේ බර වැඩිවීම හෝ අඩුවීම, හෝමෝන වෙනස්කම් වගේ දේවල් නිසා sizes වෙනස් වෙන්න පුළුවන් බැවින් අවුරුද්දකට වතාවක් bra size එක මනින්න.
• බ්රා එක ඔයාට ගැළපෙන බව දැනගන්නෙ කොහොමද?
*බ්රා පටිය ඇඟට ගානට තියෙනවා. උඩට පහලට වෙන්නෙ නැහැ. ඒ වගේම උරහිසට තදවෙලා වේදනාවක් දැනෙන්නෙ නැහැ.
* පියයුරු bra cup වලින් එළියට එන්නෙවත්, cups ඇතුලෙ ඉඩකඩ වැඩි වෙන්නෙවත් නැහැ. ඒ කියන්නෙ cups හරියටම පියයුරුවල ගානටම තියෙනවා.
• කාන්තාවන්ගෙ සිරුරු හැඩ වර්ග කිහිපයක් තියෙනවා. ඒ තමයි වැලි තැටියක හැඩය හෙවත් Hourglass shape එක, පෙයාස් ගෙඩියක හැඩය හෙවත් pear shape සහ ඇපල් ගෙඩියක හැඩය හෙවත් apple shape. ඔබේ සිරුරේ හැඩය ගැන දැන සිටීමත් සිරුරට ගැලපෙන බ්රා එක තෝරගන්න පහසුවක් වෙනවා. එයින් ඔබට තේරුම් ගන්න පුලුවන් අවශ්ය වෙන්නෙ පියයුරුවල ප්රමාණය විශාල / කුඩා කර පෙන්වන බ්රා එකක්ද වගේ දේවල්.
• බ්රා වර්ග
වෙළඳපොලේ තියෙන බ්රා වර්ග ගැන දැන සිටීම අත්යවශ්ය දෙයක්. එයින් ඔබට ගැලපෙනම දේ තෝරාගන්න පුලුවන්.
T-shirt Bra
ටී ෂර්ට් සහ එදිනෙදා ගමන් බිමන් සඳහා සුදුසු ලෙස සුමුදු නිමාවකින් යුතුයි.
Push-Up Bra
කර ගැඹුරින් කැපූ ඇඳුම් සහ party frocks සඳහා සුදුසුයි.
Wireless & Bralettes
මේවා සුවපහසුව ඉන්න කැමති අයට සුදුසුයි. උරහිස් රහිත ඇඳුම් සඳහාත් ගැළපෙනවා.
Sports Bra
Gym එකට, sports කරන අයට ගැළපෙනවා.
ඒවගේම Strapless & Plunge Bras, Minimizer Bra වගේ වර්ග ගොඩක් තියෙනවා.
