රොමෑන්ටික්ම ෆිල්ම් හදපු මං තාම තනිකඩයි – Karan Johar
බොලිවුඩ් සිනමාවේ අතිශයින් ජනප්රිය වූ රොමෑන්තික චිත්රපට ගණනාවක්ම ඔහු විසින් අධ්යක්ෂණය කළා. Karan Johar චිත්රපට අධ්යක්ෂවරයෙක් පමණක් නොවේ. නිවේදකයෙක්, චිත්රපට නිෂ්පාදකවරයෙක්ට අමතරව ඔහු චිත්රපට සඳහා සිය රංගන දායකත්වයද ලබා දුන්නා. ෆිල්ම් ෆෙයාර් ඇතුළු සම්මාන රැසකින් පිදුම් ලැබූ ඔහු 2020 වසරේදී පද්ම ශ්රී සම්මානයෙන් ද පිදුම් ලැබුවා.
53 හැවිරිදි Karan තවමත් තනිකඩයි. සිය තනිකඩ බවට හේතු දක්වමින් කරන් පවසන්නේ දෙවියන් වහන්සේ තමාට කිසිවෙකු නිර්මාණය කර නැති බවයි. එමෙන්ම සිය විවාහක මිතුරන් සමඟ කාලය ගත කිරීමට තමන් අකමැති බවත් ඔහු පවසනවා.
“එයාලා මගේ ඉස්සරහ ආදරේ කරනකොට මට හිතෙනව එයාලව මරලා දාන්න”
දශක තුනකට ආසන්න සිනමා ජීවිතය තුළ ඔහු ලබාගත් ජයග්රහණ බොහොමයි. කරන් සිය පළමු සම්මානය දිනා ගන්නා විට ඔහුට වයස අවුරුදු 27 යි. එම මොහොතේ ඔහුගේ පියා Yash Johar ඔහු අසල සිටියා. නමුත් මෑතක National Award එක පිරිනමන මොහොතේදී තමාට හිස්කමක් දැනුන බව සානියා මිර්සා සමග අදහස් දක්වමින් කරන් පවසා සිටියා.
“ඔවුන් මගෙන් සහකරුවෙක් / සහකාරියක් ගැන ( මිත්රයෙක් හෝ ) ඇහුවා. මට කවුරුත් හිටියෙ නැහැ. අපිට තනිකම වැඩිපුර දැනෙන්නෙ අපේ පරාජයන්ටත් වඩා ජයග්රහණ වලදි. ඔයාගෙ දුර්වල තැන්වල ඔයාට පවුලේ අය, යාළුවො ඉන්නවා. මටත් ඥාති සහෝදරියන් දෙන්නෙක් ඉන්නවා. අපි ගොඩක් සමීපයි. ඒ වගේම මට යාළුවො ඉන්නවා. නමුත් සමහර තැන්වල අපි තනියි. මට සම්මානය ලැබෙනව කියලා දැනගන්න ලැබුණා. මම කෝල් එක කට් කරලා කල්පනා කරේ ‘අද රෑ මම මොකද කරන්නේ? මම කාගේ ගෙදරටද යන්නේ? මම කාගේ අතද අල්ලගෙන ඉන්නේ කියලා? මට ඕනෙ වුණේ සතුටින් ඉන්න. මම සම්මාන උළෙලට ගියාම ඔවුන් මගෙන් ඇහුවා මම කවුරු එක්කද ඉන්නෙ කියලා, මට කවුරුත් හිටියේ නැහැ. හැමෝම ඔවුන්ගේ සහකරුවන් සමඟ කතා කරමින් හිටියා, මගේ අම්මව හරි එතන්ට එක්කන් යන්න තිබුණත් ඇය සෞඛ්ය සම්පන්නව නෙමෙයි හිටියෙ..මම දැන් හොඳින්. මට ආදරය, මිත්රත්වයක් ඕනෙ වුණ කාලයක් තිබුණා. මේ හැමදේමත් එක්ක මම චිත්රපටි හැදුවා. ඒව මාව සුවපත් කළා. මිනිස්සු මාව මොන විදිහට පිළිගනියිද කියන සැකය මට තිබුණා”
එදිනෙදා ජීවිතයේදී තනිකමට මුහුණ දෙන ආකාරය පිළිබඳවත් ඔහු මෙලෙස පවසා තිබුණා.
