Tina Turner Rock and roll රැජිණ සිය දිවි සැරිය නිම කරයි.
Rock and roll රැජිණ ලෙසින් හැඳින්වෙන අමෙරිකානු ගායිකා Tina Turner පසුගිය බදාදා (මැයි 24) ස්විස්ටර්ලන්තයේ පිහිටි ඇගේ නිවසේදී මිය ගොස් තිබෙනවා. 83 හැවිරිදි ඇය දිගු කලක් රෝගාතුරව සිටි බව සඳහන්.
1950 ගණන්වල සංගීත ක්ෂෙත්‍රයට පිවිසි ඇයගේ ජනප්‍රියම ගීතය ලෙසින් හැඳින්වෙන්නේ “What’s love got to do with it” ගීතයයි. දුඹුරු පැහැ කොට කොණ්ඩය,කුඩා සාය සහ කබාය ඇගේ විලාසිතා වූවා. Tina Turner ට හිමිවුනේ අසීමිත ප්‍රේක්ෂක ආකර්ෂණයක්. Grammy සම්මාන කිහිපයකින්ම ඇය පිදුම් ලැබුවා. 1988 වසරේදී රියෝ ද ජැනයිරෝ නගරයේ පැවති ඇගේ ප්‍රසංගය නැරඹීමට සහභාගී වූ ප්‍රේක්ෂක සංඛ්‍යාව 180000 ක්. ගායනයට,නර්තනයට පමණක් නොව ගිටාර් වාදනයටත් ඇය දක්ෂයි.
ඇගේ සැමියාගෙන් ඇයට සිදුවූ දරුණු අපයෝජන ගැන ඇය විවෘතව කතාකළා. Tina Turner ගේ කතාව ජයග්‍රහණයක් බැව් ගායිකා Janet Jackson පවසනවා. Rolling Stone සඟරාව නිකුත් කළ සමකාලීන හොඳම කලාකරුවන් සිය දෙනා ගේ ලැයිස්තුවේ 63 වන ස්ථානය හිමිකර ගැනීමටද මෙම සුපිරි තරුව සමත්වූවා.
– Reuters ඇසුරෙනි –
