Spain – ස්පාඤ්ඤයේ Murcia හි රාත්රී සමාජ ශාලාවක ඇතිවූ ගින්නකින් පුද්ගලයන් 13 දෙනෙකු ජිවිතක්ෂයට පත්ව ඇති බව වාර්තා වනවා. La Fonda ලෙසින් හඳුන්වනු ලබන Fonda Milagros රාත්රී සමාජ ශාලාව තුළ මෙම ගින්න හටගෙන ඇත්තේ, ඊයේ [1 වෙනි ඉරිදා] අළුයම 4-6 ත් අතර බව කියවේ. පසුව එය සිඝ්රයෙන් යාබද සමාජශාලා සහ නර්තන වේදිකා මතට පැතිරගොස් ඇති බවයි එරට පොලිසිය පවසන්නේ.
පැය 15 කට ආසන්න කාලයක් ගත වුවද, ගින්නට හේතුව මෙතෙක් සොයාගෙන නොමැති නමුත් මර්සියා නගරාධිපති Jose Ballesta මාධ්යවේදීන්ට පවසා තිබුණේ ගින්න සමාජ ශාලාවේ පළමු මහලේ ඇති වූ බවයි. සමාජ ශාලාවේ වහලය කඩා වැටීම හේතුවෙන් විපතට පත්වූවන් බේරාගැනීම මෙන්ම සිදුවීමට හේතුව සොයා ගැනීම අභියෝගාත්මක බවයි, එරට ජාතික පොලිස් සේවයෙහි ප්රකාශකයෙකු වන Diego Seral පවසා තිබුණේ. මියගිය අය අතර සමාජශාලාවේ උපන්දිනයක් සමරමින් සිටි පවුලේ සාමාජිකයින් පිරිසක්ද සිටි බවට ප්රාදේශීය මාධ්ය වාර්තා කර තිබු අතර, La Verdad de Murcia පුවත්පතට අනුව, 28 හැවිරිදි කාන්තාවක් ගින්න ආරම්භ අවස්ථාවේ ඇගේ මවට “අම්මි, මම ඔයාට ආදරෙයි, ඒත් අපි මැරෙන්න යන්නේ” යනුවෙන් හඬපටයක් යවා ඇති බව සඳහන්.
දුම් ආඝ්රාණය වීම හේතුවෙන් පුද්ගලයින් 4 දෙනෙකු රෝහල්ගතව ප්රතිකාර ලබන අතර, පුද්ගලයින් 14 දෙනෙකු අතුරුදන්ව ඇති බැවින් මරණ සංඛ්යාව ඉහළ යා හැකි බව විශ්වාස කෙරෙනවා. මෙලෙසම 1990 දී Zaragoza නම් ස්ථානයක ඇති වූ ගින්නකින් පුද්ගලයින් 43 දෙනෙකු මිය ගොස් තිබු අතර මෙය වසර 30කට පසු එරට රාත්රී සමාජශාලාවක ඇති වූ දරුණුතම ගින්න ලෙසයි සැළකෙන්නේ.
-BBC News ඇසුරෙනි- by Antoinette Radford and Guy Hedgecoe.
Photo Credits: www.bbcnews.com
