Russia – Ukraine දිනෙන් දින ඉතා උණුසුම්ව ඇවිල යන රුසියා – යුක්රේන ගැටුම් සමථයකට පත් කිරීම සඳහා මුලික සාකච්ජාවක් ඊයේ [අගෝස්තු 5] සෞදි අරාබියේ Jeddah හිදී පැවැත්වුණා. මෙම හමුව සඳහා ඇමරිකාව,චීනය සහ ඉන්දියාව ඇතුළු රටවල් 40 ක ජ්යෙෂ්ඨ රාජතාන්ත්රික නිලධාරීහු පිරිසක් සහභාගී වී සිටි බව REUTERS පුවත් සේවය වාර්තා කර තිබුණා.
මෙම සාකච්ජාව දෙදින නිල හමුවක් වන අතර කිසිදු පාර්ශවයක මැදිහත්කරුවන් නොවී බාහිර පාර්ශවයන් ලෙස මෙම ගැටුම සමථයකට පත් කිරීමට සහයෝගය ලබාදීම එහි අරමුණ බවත්, මෙම ගැටුමෙන් ගෝලීය ආර්ථිකයට සිදුවන පාඩුව වළක්වා ගැනීම අපේකෂාව බවත් හමුවෙහි නියෝජිතයින්ගේ අදහස වී තිබුණා.
සෞදියේ පැවති මෙම හමුව සඳහා රුසියාව කිසිඳු නියෝජිතයෙකු සහභාගී කර නොතිබූ අතර එම හමුව පිළිබඳව අදහස් දැක්වූ යුක්රේන ජනපති Volodymyr Zelenskiy පවසා සිටියේ හමුවේ ඇතැම් නියෝජිත රටවල් සම්බන්ධව තමාට ගැටළු ඇතත් ගෝලීය අර්බුදයකදී මෙවැනි ජාත්යන්තර මැදිහත්වීම් තමා අගය කරන බවය. ඉදිරියේදී මෙම තත්වය පිළිබඳව දෙරට අතර ද්විපාර්ශ්වික සාකච්ඡා පැවැත්වීම වැදගත් වන බවත් තමා මේ වෙනුවෙන් ගෝලීය නායකයින්ගේ හමුවක් අපේක්ෂා කරන බවත් ඔහු වැඩිදුරටත් සඳහන් කර තිබුණා.
-REUTERS ඇසුරෙනි-
Photo Credits – News Info/In-Cyprus
