Russell Brand – එංගලන්ත ජාතික හාස්‍යෝත්පාදක රංගන ශිල්පියෙකු වන Russell Brand හට සිය කලා ජිවිතයේ කීර්තිමත්ම කාල පරිච්ජේදය තුළ ස්ත්‍රී දූෂණ, ලිංගික අතවර සහ චිත්තවේගීය අපයෝජනයන් සම්බන්ධයෙන් චෝදනා එල්ලවී තිබේ. මෙම චෝදනාව එල්ලවී ඇත්තේ The Sunday Times, The Times සහ Channel 4 Dispatches ඒකාබද්ධව සිදුකළ විමර්ශනයකදීය. මෙම විමර්ශනයේදී අපවාදාත්මක සහ කලහකාරී හැසිරීම් සම්බන්ධවද ඔහුට චෝදනා නැගී ඇති අතර විමර්ශන වාර්තාව සන්ඩේ ටයිම්ස්හි පළවී ඇති අතර, Dispatches වාර්තා චිත්‍රපටය, Russell Brand – In Plain Sight නමින් ඊයේ [16 වෙනි සෙනසුරාදා] චැනල් 4 නාලිකාව මඟින් විකාශය කොට තිබෙනවා.
2006 සිට 2013 දක්වා කාලය තුළ තමන්ව ලිංගික අතවරවලට ලක් කළ බවට කාන්තාවන් හතර දෙනෙකු ඔහුට එරෙහිව චෝදනා කරයි. එක් කාන්තාවක පවසන්නේ බ්‍රෑන්ඩ් ඔහුගේ ලොස් ඇන්ජලීස් නිවසේදී ඇයව දූෂණයට කළ බවයි. එදිනම ඇය ප්‍රතිකාර ලැබු බව සනාථ කරන වෛද්‍ය වාර්තා ඇති බව . ටයිම්ස් පුවත්පත පවසයි. තවත් කාන්තාවක් පවසන්නේ ඔහු තමන්ව වයස අවුරුදු 16 දී අපයෝජනයට ලක්කළ බවත් එවකට ඇය පාසල් වියේ පසුවූ බවත්ය. එම සම්බන්ධතාවයේදී ඔහු තමාව “දරුවා” ලෙස හැඳින්වූ බව ඇය පවසා සිටි. ලොස් ඇන්ජලීස්හි ඔහු සමඟ වැඩ කරන අතරතුර බ්‍රෑන්ඩ් තමාට ලිංගික අතවර කළ බවත්, එය වෙනත් කෙනෙකුට පැවසුවහොත් නීතිමය ක්‍රියාමාර්ග ගන්නා බවට ඔහු තමාට තර්ජනය කළ බව තවත් කාන්තාවක් කියා සිටී. ඔහු විසින් ලිංගික අතවර කළ බව කියන හතරවැනි කාන්තාව පවසන්නේ ඔහු ඇයට ශාරීරිකව හා චිත්තවේගීයව හිංසනය කළ බවයි.
චෝදනා ප්‍රකාශයට පත්වී පැය කිහිපයක් ඇතුළත, රංගන ශිල්පියා වයඹ ලන්ඩනයේ Wembley Park Theatre හි ප්‍රසංගයක් ඉදිරිපත් කර තිබු අතර පැයක පමණ කාලයක් පැවති මෙම ප්‍රසංගයේදී ඔහුට නැඟෙන චෝදනා ගැන සඳහන් කර ඇති නමුත් ඔහුට කතා කළ නොහැකි දේවල් ඇති බව ඔහු ප්‍රේක්ෂකයන්ට පවසා තිබිණි. වීඩියෝවක් නිකුත් කරමින් ඔහු තමාට එරෙහිව එල්ල කරන “බරපතල අපරාධ චෝදනා” ප්‍රතික්ෂේප කළ අතර තමාට තිබු සියළු සබඳතා “සෑම විටම සම්මුතිවාදී” බව පැවසු ඔහු වැඩිදුරටත් සඳහන් කර ඇත්තේ, තමාට එරෙහිව රූපවාහිනී සමාගමකින් සහ පුවත්පතකින් “ආක්‍රමණශීලී ප්‍රහාර” එල්ල කරන බවයි.
-CNN News ඇසුරෙන් by Steven McIntosh
Photo Credit: www.famouspeople.com / www.pamedia.com
