Pimples- කුරුලෑ කියන්නෙ ඔබේ රුවට හානි කරන, ගොඩක් අයට ප්රශ්නයක් වෙලා තියෙන දෙයක්. සමහරවිට ඔබ කුරුලෑවලට ප්රතිකාර කරන්න ලොකු මුදලක් වියදම් කරනවා ඇති. ගෙදරදීම ලේසියෙන් කරන්න පුළුවන් මේ ස්වභාවික ප්රතිකාර වළින් ඔබට පුළුවන් කරදරකාරී කුරුලෑවලින් බේරෙන්න.
• කෝමාරිකා ජෙල්
පිරිසිදු කරගත් මුහුණේ කෝමාරිකා ජෙල් ආලේප කර මිනිත්තු 20 ක් පමණ තියෙන්නට හැර සෝදා හරින්න. කෝමාරිකා කුරුලෑ හේතුවෙන් ඇතිවන දැවිල්ල සුවපත් කර, ලප කැළල් ඉවත් කරනවා.
• කොහොඹ සහ මී පැණි ෆේස් මාස්ක්
කොහොඹ කොළ පේස්ට් එකක් සකසා ගෙන, එයට මීපැණි තේ හැන්දක් මිශ්ර කර මුහුණේ ආලේප කරන්න. විනාඩි 10කින් සෝදා හරින්න. කොහොඹ කොළ සමේ බැක්ටීරියා නිපදවීම අවම කරන අතර මී පැණි සමේ තෙතමනය සුරකිනවා.
• කහ සහ යෝගට් ෆේස් මාස්ක්
යෝගට් මේස හැඳි 2 කට කහ කුඩු තේ හැන්දක් මිශ්ර කර මුහුණේ ආලේප කරන්න. විනාඩි 15 කින් මද උණුසුම් ජලයෙන් සෝදා හරින්න. යෝගට් සම සුවපත් කරන අතර කහ වලින් බැක්ටීරියා විනාශ කරනවා.
• ලෙමන් යුෂ
ලෙමන් යුෂ මේස හැන්දකට ජලය ස්වල්පයක් මිශ්ර කර කුරුලෑ මත ආලේප කරන්න. විනාඩි 10 කින් සෝදා හරින්න. මෙම ප්රතිකාරයෙන් පැය කිහිපයක් යනතුරු හිරු එළියට නිරාවරණය වෙන්න එපා. ලෙමන් යුෂවල ඇති විටමින් C කුරුලෑ ඇතිවීම වළකයි. ලප කැළල් ඉවත් කරයි.
