In the Commonwealth – දකුණු ආසියානු කලාපයේ නියෝජිතවරිය ලෙස අධ්යාපන, උසස් අධ්යාපන හා වෘත්තීය අධ්යාපන අමාත්ය, අග්රාමාත්ය ආචාර්ය හරිනි අමරසූරිය මෙනෙවිය අද අලුයම කැනඩාව බලා පිටත්ව ගොස් තිබෙනවා.
ඒ, පොදුරාජ්ය මණ්ඩලයේ ඉගෙනුම් පාලක මණ්ඩලයට සහභාගී වීම සඳහායි.
පොදුරාජ්ය මණ්ඩලයීය ඉගෙනුම් පාලක මණ්ඩලය ජූනි 24 සිට 26 දින දක්වා කැනඩාවේ වැන්කුවර්හිදී පැවැත්වීමට නියමිතව තිබෙනවා. මෙහිදී ප්රධාන වශයෙන් ළමා සහ කාන්තා අධ්යාපනය සහ පුහුණුව, උසස් අධ්යාපනය, ගුරු අධ්යාපනය, ජීවිත කාලය පුරාම ඉගෙනීම සහ ඩිජිටල් තාක්ෂණය සක්රීය ඉගෙනීම සඳහා දායක කර ගැනීම යන ක්ෂේත්ර පිළිබඳ විශේෂ අවධානයක් යොමු කෙරෙනවා.
එසේම නවෝත්පාදන සහ පර්යේෂණ සඳහා ආයෝජනය කිරීම, ආයතන සහ සංවිධානවල ඩිජිටල් පරිවර්තනයට සහාය වීම, ස්ත්රී පුරුෂ සමානාත්මතාවය ප්රවර්ධනය කිරීම, අධීක්ෂණ සහ ඇගයීම් සැලැස්මක් ක්රියාත්මක කිරීම යන කරුණු පිළිබඳවද සාකච්ඡා කිරීමට නියමිත බවයි අග්රාමාත්ය මාධ්ය අංශය පැවසුවේ.
