ඔහු පිටව යෑමට පෙර, ඇගේ මව පැස්ටල් පෙට්ටිය උදුරාගෙන එය විවෘත කළාය. අනතුරුව එය වසා දමා බිම තබා පූජකයා පසුපස ගියාය. ඔවුන් පිටවූ පසු නැගිටගත් මැටී පඩිපෙල මුදුනට ගියාය. ඇයට ඔවුන් කතා කරන හඬ ඇසිණි. මේ ජීවිතය ඇගේ කන් ඇසීම තියුණු කර තිබුණි.
ඇය ලාච්චුවෙන් අඳුරු පැහැ චිත්රය එළියට ගත්තාය. පැරණි ඕක් ගසක් මෙන් වක ගැසුණු , අත් පා මත ඉරිතලා ගිය කළුපැහැ කඩමාළු ඔතා තිබුණ ජීවියාට තිබුණේ කුඩා හිසකි. සුදු පැහැ හතරැස් දත්වලින් පිරුණු විවර වූ මුඛයක්ද, සිදුරු දෙකක් සේ පෙනෙන ඇස්ද ඔහුට විය. ඒ ඇස් කහ පැහැති වූ අතර එහි නාගයෙකුගේ ඇස් මෙන් මෝහනීය බවක් තිබුණි. මැටීගේ කාමරය කුඩාය. එහි ඇඳක්, ජනේලය අසල මේසයක් සහ රාක්කයක් තිබුණි. රාක්කය පාමුල ඇය මවගෙන් ලබාගත නොහැකි සමහර දේවල් සඟවා තැබුවාය. එහි ඇතුළත ඇය විසින් සැකසූ අඟුරු කූරු රැසක් තිබුණි. ඇය එයින් අඟල් හතරක් දිග අඟුරු කූරක් ගෙන අනෙක්වා පසෙකින් තැබුවාය. ඉන්පසු ජීවියාගේ ඇටකටු අත් ඇඳීම අවසන් කර එයට සුදුපැහැයත් මිශ්ර කළාය. දැන් මේ චිත්රය ඇත්තම ඇත්ත එකක් සේ පෙනේ. පහළ මාලයෙන් ශබ්දයක් ඇසිණි.
මැටී කෑගැසීම යටපත් කරගත්තේ අසීරුවෙනි. “නැහැ” ඇය සිතුවාය. කාදිනල් ඉස්කාරියොට් ඇයව නැවත බැඳ දමනු ඇති අතර වධහිංසා පෙරට වඩා දරුණු වනු ඇත. බර්නාඩ් ඇයට වඩාත් විශාල ලෙස දැනුනි. කපුටෙක්! මගේ ජනේලය ළඟ. ඌ ඇගේ දෑස් දෙස බලා සිටියේය. බර්නාඩ් කපුටෙකුගේ ස්වරූපයෙන්. ඔව්! ඒ එයා තමයි. බර්නාඩ් ඒ නපුරු යක්ෂයා! කුරුළු ස්වරූපයෙන්. ඇය වෙව්ලන්නට වූවාය. සමහරවිට කාදිනල්වරයා ඇයට වධ හිංසා කිරීමට ඉඩ දෙනු ඇත. ජීවිතයේ හැටි එහෙමයි. ළදරු වියේ සිටම, ඇය කිසිවෙකු තමාව ස්පර්ශ කරනවාට අකමැති විය. අතක ස්පර්ශය ඇගේ රෝස පැහැ සමට වේදනාවක් ගෙන දුන්නේය. ඇය මිනිසුන්ව ස්පර්ශ කිරීම නතර කළාය. ඇය ඔවුන් නොතකා හැරියවිට ඔවුන් ඇගෙන් ඈත් වූ අතර ඇයට සාමයක් දැනුණි. දිනක් ඇගේ අම්මා පූජකයෙක් කැටුව ආවාය. ඔහු ඇයව බැඳ දමා තකතීරු කතා ගොඩක් පැවසුවේය. බර්නාඩ් ඇයව බේරා ගැනීමට පැමිණ
සයිබර් අවකාශයට සඟරාමය අත්දැකීමක් ලබාදීමේ අරමුණෙන්, උණුසුම් පුවත්, සම්මුඛ සාකච්ඡා, ලොව වටා සංචාර, පොත්,චිත්රපට, ටෙලිනාට්ය ඇතුළු කලා ඉසව් පිළිබඳ ලිපි, ක්රීඩා තොරතුරු, ව්යාපාරික තොරතුරු, නවකතා, කවි සහ වෙනත් විශේෂාංග එකම වෙබ් අඩවියක් තුළින් ජනගත කිරීම.
Contact us: thulanatv.lk@gmail.com
© Copyright - thulanamag.lk - 2025
You cannot copy content of this page
