Road Closed – කොල්ලුපිටිය සහ කොම්පඤ්ඤවීදිය ප්‍රදේශයන් හි මාර්ග කිහිපයක් අදියර 03ක් යටතේ, අද (5 වෙනි සඳුදා) සිට වසා තැබෙන බව පොලීසිය පවසයි. මෙසේ එම මාර්ග වසා දමනු ලබන්නේ භූගත නල එළීමේ කටයුත්තක් සඳහා බවයි ඔවුන් පවසන්නේ.
ඒ අනුව අද සිට ලබන 19 වනදා දක්වා උත්තරානන්ද මාවත, නවම් මාවත සිට දුම්රිය හරස් මාර්ගය දක්වා කොටසද, පෙබරවාරි 20 වනදා සිට මාර්තු 04 වනදා දක්වා කාලය තුළ උත්තරානන්ද මාවත, පෙරහැර මාවත සිට නවම් මාවත දක්වා කොටසද වසා තැබෙන අතර එහි තුන්වන අදියර ලෙස මාර්තු මස 05 වනදා සිට 11 වනදා දක්වා උත්තරානන්ද මාවත, පෙරහැර මාවත ආශ්‍රිතව රොටුන්ඩා ගාඩ්න් මංසන්ධිය දක්වා කොටස වසා තැබෙන බවයි පොලිස් ආරංචි මාර්ග හරහා දැනගන්නට ලැබෙන්නේ.
