Metro In Dino – ප්රේමය, විවාහය, අහිමිවීම, හිමිවීම මේ කාරණා එක්ක මිනිස්සු හරියට විඳවනව. අපි හිතනව ආදරේ අහිමි වෙන එක දුකක් කියලා. අයිති කර ගැනීම, අවසානයේ විවාහය සතුටක් කියලා හිතනවා. ඒක ඇත්තද..? කාලයක් ආදරේ කරලා විවාහ වුණාට පස්සෙ එකිනෙකාව පේන්න බැරි තරම් හතුරො වෙන අය අපි දැකලා තියෙනවා. සමහර වෙලාවට ලෝකෙට පේන්න අපි පෙම්වතෙක්, පෙම්වතියක්, සැමියෙක්, බිරිඳක් වුණත් ඇතුලතින් අපිට කුමක් හෝ අඩුවක්, හුදකලාවක් දැනෙනවා. බැඳීම් හරි සංකීර්ණයි. මොකක්ද මේ ගොඩක් අයට දැනෙන හිස්කම…?
ආදරේ..
දිල්ලිය, මුම්බායි,කොල්කටා, පූනේ විතරක් නෙමෙයි මුළු ලෝකෙම මිනිස්සු සම්බන්ධකම් ඇතුලෙ ඉඳගෙන ආදරේ අහිමි වීමේ හිස්කමෙන් පීඩා විඳිනවා. Kajol සහ Monty කියන්නෙ විවාහක යුවලක්. යොවුන් දියණියකගෙ දෙමව්පියන් වුණු ඔවුන් දෙන්නාගෙ ජීවිතේ වගකීම්, යුතුකම් වගෙ දේවල් එක්ක නීරසව ගෙවුණා. ඔය අතරෙ Monty ට ෆෝන් එකෙන් අලුත් affair එකක් හම්බුණා. මැදිවියේ ඔහුට දැණුනා තමන් ආයෙත් තරුණ වේගෙන එන වග. කවුද ඒ පෙම්වතිය? Chumki කියන්නෙ ප්රේමවන්තියක්. ඒත් ඇයට ජීවිතේ අඩුවක් හිස්කමක්, තනිකමක් දැණුනා. ඔය අතරෙදි ඇයට Parth මුණගැහෙනවා. එතකොට Shibani ගෘහණියක්. ඇය වියපත්. දවසක් ඇයට විශ්ව විද්යාල මිතුරු හමුවකට ඇරයුම් ලැබුණා. ඇය දැන සිටියා එදාට ඇගේ පරණ ප්රේමවන්තයා Parimol ව මුණ ගැහෙන්න පුළුවන් වග. මේ හැමෝගෙම ආදර ප්රශ්න එක්ක තමයි මේ කතාව ඉදිරියට ඇදෙන්නෙ .
මොන වයසෙදි වුනත් මිනිස්සු හොයන්නෙ ආදරේ. ළඟ නැති දෙයක්ම සොයන එකයි මිනිස් ස්වභාවය. සමහරවෙලාවට අපේ partner ගෙ ළඟ ආදරේ නෑ කියලා හිතන අපි වෙනත් විකල්ප වෙතට යනව. මේ විකල්ප ගොඩක් වෙලාවට ජීවිතේ අවුල් හදනවා. තාක්ෂණය එක්ක වෙනස් වෙලා තියෙන Lifestyle එකත් එක්ක මේ විකල්ප අවස්ථා බහුලයි.
සමහරවිට අපිට හිතෙනවා ආදරේ මැරිලා කියලා. නැහැ. ආදරේ හැමදාමත් හුස්ම ගන්නවා. එකට ජීවත්වෙන්න ගත්තම, කාලය ගත වුණාම බැඳීම සාමාන්ය වෙනව, ඇල් මැරෙන්න ගන්නව. ඇත්තටම ඒක සාමාන්ය දෙයක්. හැමදාම ආදරෙන් ඉන්න නම් ඔබේ ආදරේ මොහොතින් මොහොත අලුත් කරගන්න වෙනවා. තේරුම් ගැනීමකට, ඉවසීමට, සමාව දීමකට වගේම පුංචි හාද්දකටත් පුළුවන් ආදරේ අලුත් කරන්න. සැනසිල්ලෙන් ඉන්න Partner ව අලුත් නොකර, ආදරේ අලුත් කරගන්න.
