Israel Gaza war – හමාස් සංවිධානය විසින් ඊශ්රායලය තුළ සිදුකළ මාරාන්තික වැටලීමකදී පැහැරගත්, ඇමරිකානු ප්රාණ ඇපකරුවන් දෙදෙනෙකු නිදහස් කර ඇති බව වාර්තා වෙයි. නිදහස ලැබූ Judith සහ Natalie Raanan මව සහ දියණිය වන අතර ගාසා සීමාවේදී හමාස් වෙතින් මෙම මව සහ දියණිය තමන්ට ලැබුණු බව ඊශ්රායලය තහවුරු කර තිබිණි. වීඩියෝවක් නිකුත් කරමින් හමාස් සංවිධානය පවසා තිබුණේ “මානුෂීය හේතූන්” මත මෙම යුවළ නිදහස් කර ඇති බවයි. ඇමරිකානු ජනාධිපති Joe Biden පවසා සිටියේ, ඔවුන් නිදහස් කිරීම ගැන තමා අතිශයින් සතුටට පත් වූ අතර නතාලි රානන් සමඟ දුරකථනයෙන් කතා කර ඒ බව තහවුරු කළ බවයි.
පසුගිය ඔක්තෝම්බර් 7 වැනිදා හමාස් තුවක්කුකරුවන් ඊශ්රායලය වටලා පුද්ගලයන් 1,400ක් මරා දමා 200ක් පමණ ප්රාණ ඇපයට ගැනීමෙන් පසු නිදහස් කළ පළමු සිරකරුවන් දෙදෙනා මොවුන්ය. එමෙන්ම ඊශ්රායලයේ බෝම්බ ප්රහාරවලට ලක්ව ඇති ගාසා තීරයේ 4000කට වැඩි පිරිසක් මියගොස් ඇතැයි පලස්තීන බලධාරීහු පවසති. ඇමරිකානු රාජ්ය දෙපාර්තමේන්තුවට අනුව, ඊයේ [20 වෙනි සිකුරාදා] වන විට, ඊශ්රායල – හමාස් ගැටුමෙන් අවම වශයෙන් ඇමරිකානු පුරවැසියන් 32 දෙනෙකු මියගොස් 10 දෙනෙකු අතුරුදන්ව ඇති බව පැවසේ.
හමාස් සංවිධානය නිකුත් කළ වීඩියෝව : Judith and Natalie Raanan: Hamas frees two US hostages – BBC News
ඇමරිකාව සහ එංගලන්තය තම පුරවැසියන් නිදහස් කර ගැනීම සඳහා කටාර් නිලධාරීන් සමඟ එක්ව කටයුතු කරන අතර ගාසා තීරයේ රඳවාගෙන සිටින ප්රාණ ඇපකරුවන් අතර ආර්ජන්ටිනාව, ජර්මනිය, ප්රංශය, තායිලන්තය සහ පෘතුගාලය වැනි රටවල පුරවැසියන්ද සිටින බවට වාර්තා පළවෙයි.
-BBC News ඇසුරෙනි- by Mike Wendling. Evanston, Illinois
Photo Credits: www.potus.com / www.familyhandout.com
