Ended today – පැය 24 පුරා ක්‍රියාත්මක වූ ගමන් බලපත් නිකුත් කිරීමේ එක්දින සේවය අද දිනයෙන් අවසන් කරන බව ආගමන හා විගමන දෙපාර්තමේන්තුව පවසනවා. එම එක්දින සේවය පසුගිය පෙබරවාරි 18 වනදා දින සිට ක්‍රියාත්මක වූ බවයි එම දෙපාර්තමේන්තුව පැවසුවේ.
කෙසේවෙතත් බත්තරමුල්ල පිහිටි ආගමන හා විගමන දෙපාර්තමේන්තුවේ ප්‍රධාන කාර්යාලයේ කාර්යාලයේදී සහ ප්‍රාදේශීය කාර්යාලවලදී ලබන දෙවනදා සිට එක්දින සහ සාමාන්‍ය විදේශ ගමන් බලපත්‍ර නිකුත් කිරීම සඳහා පෙරවරු 07 සිට පස්වරු 02 දක්වා අයදුම්පත් භාර ගැනෙනවා.
ඒ අනුව එදිනට එක්දින සේවාව යටතේ කළින් දිනයක් වෙන් කරගනු ලැබූ අයදුම්කරුවන් සඳහා මෙන්ම හදිසි හෝ ප්‍රමුඛ අවශ්‍යතා ඇති අයදුම්කරුවන් ඉහත කාලසීමාව තුළදී අයදුම්පත් එක්දින සේවය ඔස්සේ භරදිය හැකි බවයි එම දෙපාර්තමේන්තුව වැඩිදුරටත් සඳහන් කළේ.
