Chamara Weerasinghe පසුගිය දිනවල සුළු අසනීප තත්වයකින් පසුවී ඇති අතර නමුත් ඔහු මේ වන විට දැඩි සත්කාර ඒකකයට ඇතුළත් කර ඇති බව වාර්තා වනවා. කළුබෝවිල රෝහල් ආරංචි මාර්ග පවසන්නේ මීට දින කිහිපයකට පෙර චාමර වීරසිංහ රෝහල්ගතවූ බවත් ඊයේ (20) දින සාමාන්‍ය වාට්ටුවෙන් දැඩි සත්කාර ඒකකයට මාරු කර ඇති බවය. ශ්වසන අපහසුතාවක් මත චාමර රෝහල් ගතවූ බවට ආරංචි පවතින අතර ඊට වැඩි යමක් ඔහුගේ අසනීප තත්වය පිළිබඳව වාර්තා වන්නේ නැත.
ගායක චාමර වීරසිංහ දෙසැම්බර් මුල් සතියේ පැවති සංගීත ප්‍රසංගයකදී අසනීප තත්වයන් පෙන්නුම කර තිබූ අතර ඔහුගේ සමාජ මාධ්‍ය ගිණුම් වල දෙසැම්බර් 18 සටහනක් තබමින් ඉදිරි ප්‍රසංග අවලංගු කර ඇති බව දන්වා තිබුණි.
චාමර වීරසිංහ ගේ අසනීප තත්වය ආරංචි වී කළුබෝවිල රෝහල අවට ඔහුගේ රසික රසිකාවියන් විශාල ප්‍රමාණයක් රැස්ව ඇති බවට වාර්තා වන අතර කළුබෝවිල රෝහල් අධ්‍යක්ෂිකාව එම රසික රසිකාවියන්ගෙන් විශේෂ ඉල්ලීමක් කරමින් පවසන්නේ චාමර වීරසිංහට තම කාර්ය මණ්ඩලය උපරිම සත්කාර කරමින් සිටින බවත් එලෙස එක්රැස් නොවන ලෙසත්ය.
