Blind Cricket Team – ශ්‍රී ලංකා ක්‍රිකට් ආයතනය විසින් ශ්‍රී ලංකා දෘෂ්‍යාබාධිත ක්‍රිකට් කණ්ඩායම වෙනුවෙන් රුපියල් මිලියන 6 ක අනුග්‍රහයක් ලබා දී තිබේ. මේ දිනවල පකිස්ථානයේ පැවැත්වෙන දෘෂ්‍යාබාධිත T20 තරගාවලිය සඳහා සහභාගී වන 21 දෙනෙකුගෙන් යුත් කණ්ඩායම වෙනුවෙනුයි මේ ප්‍රදානය ලබා දී ඇත්තේ. මෙම ප්‍රදානය හරහා කණ්ඩායමට වීසා, ගුවන් ටිකට්පත් සහ පෙර පුහුණුවීම් සඳහා අවශ්‍ය පහසුකම් සලසා ගත හැකි වූ බව ක්‍රිකට් ආයතනය පවසයි. ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා විසින් පසුගියදා ශ්‍රී ලංකා ක්‍රිකට් පරිශ්‍රයේදී SLCAVH හි සභාපති සුදේශ් තරංග වෙත එම චෙක්පත ප්‍රදානය කර තිබිණි.
දෘෂ්‍යාබාධිත T20 ලෝක කුසලාන ක්‍රිකට් තරගාවලිය නොවැම්බර් 22 සිට දෙසැම්බර් 3 දක්වා පකිස්ථානයේ පැවැත්වෙන අතර ශ්‍රී ලංකා දෘෂ්‍යාබාධිත ක්‍රිකට් කණ්ඩායම ඊයේ රාත්‍රියේ පකිස්ථානය බලා දිවයිනෙන් පිටව ගොස් තිබේ.
