සැමියන්ට ගැහැණුන්ගෙ ඇල්ම බැල්ම වැඩි ඇයි? – The Housemaid
සාමාන්යයෙන් බිරිඳක් තමන්ගෙ සැමියට වෙනත් ගැහැණුන්ගෙ ඇල්ම බැල්ම වැටෙනවද කියලා නිතර දෙවේලේ සෝදිසියෙන් ඉන්නෙ. සමහර බිරින්දෑවරුන්ට සැමියා වෙන ගැහැණු කෙනෙක් එක්ක වචනයක් දෙකක් කතා කරත් සැකයි. ඒ තරමට ඔවුන්ගෙ නීති වැඩියි. හදිසියේ සැමියා වෙනත් ගැහැණියක් එක්ක බැඳුනොත් ගොඩක් වෙලාවට සමාජය කියන්නෙත් ඒකට හේතුව බිරිඳගෙ වැරදි අඩුපාඩු බව.
රූමත් බිරිඳක් වුන නිනාට හිටියෙ බොහොම කඩවසම් සැමියෙක්. ඇන්ඩෲගෙ හිනාවට ගැහැණු පිස්සු වැටුණා. ඇන්ඩෲ හරිම ගුණ යහපත් ආදරණීය සැමියෙක්, පියෙක් කියලා හැමෝම කිව්වා. ඔය අතරෙ තමයි නිනා තමන්ගෙ ගෙදර වැඩට Housemaid කෙනෙක් ගන්නෙ. ඒ තමයි මිලී. මේ කෙල්ල බොහොම තරුණ රූමත් කෙනෙක්. ඉන්න හිටින්න තැනක්, කාත් කවුරුත් හිටියෙ නැති මිලීව ගෙදර වැඩට ගත්තු නිනා ඇයට ගෙදර කාමරයකුත් වෙන් කරලා දුන්නා. ඒ විතරක් නෙමේ පවුලෙ කෙනෙක් විදිහට ඇයව පිළිගන්න බවත් කිව්වා. මෙච්චර කඩවසම් සැමියෙක් ගෙදර ඉන්නකොට මිලී වගෙ කෙල්ලක් ගේ ඇතුළට දාගන්න ඇයට පිස්සු කියලා ඕනෙ කෙනෙක් හිතයි.
නිනාගෙ හැසිරීම තරමක් අමුතු බව ටිකෙන් ටික මිලීට වැටහුණා. ඇය සැරින් සැරේ වෙනස් වුණේ හිතාගන්නත් බැරි විදිහට. සමහරවෙලාවට ඇයට බොහොම තදින් කේන්ති ගියා. ඒ වෙලාවට ඇය හැසිරුණේ වියරුවෙන් වගේ. ඒත් ඇන්ඩෲ මේ හැමදෙයක්ම බොහොම සන්සුන්ව ඉවසගත්තා. නිනාගෙ අතින් වුණු වැරදිවලට මිලීගෙන් සමාව ගන්න තරම් ඔහු නිහතමානී වුණා. නිනාට පිස්සු කියලයි හැමෝම කතා වුණේ. ඇන්ඩෲ මොනතරම් අසරණද, කාරුණිකද කියලත් හැමෝම කතා වුණා. ඇත්තටම නිනාගෙ ප්රශ්නෙ මොකක්ද? බොහොම ඉක්මනින් මිලීට ඒ දේවල් හොයාගන්න ලැබුණා.
ලෝකෙට වගේම මිලීටත් ඇන්ඩෲ ගැන අනුකම්පාවක් දැණුනා. ඒ වගේම ආකර්ෂණයක්. ඔය බව ඉව වැටුණ නිනා තමන්ගෙ සැමියගෙන් ඈත්වෙලා ඉන්න කියලා ඇයට අනතුරු ඇඟෙව්වා. ඒ විතරක් නෙමේ නිනා මිලීගෙ අවුරුදු ගණනාවක් පරණ අතීතයත් හොයාගෙන තිබුණා. මිලීගෙ අතීතය මොකක්ද? එතකොට නිනාගෙ අතීතය?
