Vladimir Putin – රුසියාව සතුව “ප්රමාණවත් තරම්” පොකුරු බෝම්බ ඇති බව රුසියානු ජනපති පුටින් පවසා තිබෙනවා. යුක්රේනය පොකුරු බෝම්බ භාවිතා කරයි නම් රුසියාවටද ඒවා භාවිතා කළ හැකි බැව් ඔහු පවසා තිබෙනවා. පෙන්ටගනය (Pentagon) පසුගිය බ්රහස්පතින්දා ප්රකාශ කළේ එක්සත් ජනපදය විසින් සැපයූ පොකුරු බෝම්බ යුක්රේනයට ලැබුණ බවයි. රුසියානු ජනපති කියා සිටියේ යුක්රේනය සමග යුද්ධයේදී ඔවුන් පොකුරු බෝම්බ භාවිතා කළේ නැති බවයි. “මේ වන තුරු අපි ඒවා භාවිතා කර තිබුණේ නැහැ. අපිට එහෙම අවශ්යතාවයක් තිබුණේ නැහැ.” ජනපති පුටින් පවසා සිටියා.
පසුගිය පැය විසිහතර තුළ රුසියාව,ඉරානයේ නිෂ්පාදිත ෂාහෙඩ් පිපිරුම් ඩ්රෝන යාත්රා දෙකක්,කෲස් මිසයිල දෙකක් සහ ගුවන් යානා නාශක මිසයිල දෙකක් දියත් කර ඇති බවත් ගුවන් ප්රහාර හතලිහක් සහ බහුවිධ ප්රහාර 46 ක් දියත් කර තිබූ වග යුක්රේන හමුදාව ඉරිදා උදෑසන ප්රකාශ කළා. රුසියාව දින දෙකක් පුරා අඛණ්ඩව යුක්රේනයේ ඊසාන දිග Kharkiv ප්රදේශයට ප්රහාර එල්ල කළ අතර නැගෙනහිර ප්රදේශය වෙත අවධානය යොමු කරමින් සිටිනවා. තුවාල සහ මරණ කිහිපයක් සිදුවූ බවට වාර්තා වෙනවා.
– The Times of India ඇසුරෙනි –
