Pradeep Kumara Balasuriya – ජනප්රිය යොවුන් පුවත්පත් කතුවරයෙකු හා ප්රවීන සාහිත්යධරයකු වූ ප්රදීප් කුමාර බාලසුරිය සිය දිවි සැරිය නිම කොට තිබේ. කලක් රෝගාතුරව සිට, හදිසි හෘදයාබාධයක් හේතුවෙන් රෝහල්ගත කිරීමෙන් අනතුරුව මියයන විට ඔහු 63 වන වියෙහි පසුවිය.
“දවස” පුවත්පතෙන් සිය මාධ්ය ජීවිතය අරඹන ඔහු, කලක් “දිවයින” පුවත්පතේද සේවය කර ඇති අතර “අරලිය”,”කුමරි” වැනි යොවුන් පුවත්පත් හරහා යොවුන් පුවත්පත් කලාවට අවතීර්ණ වී තිබේ. යොවුන් පාඨක ප්රජාව අතර අතිශය ජනාදරයට පත් වූ “සඳරේණු” පුවත්පතේ ආරම්භක කතුවරයා වූ ඔහු, පසුව “සඳතරු” නමින් යොවුන් පුවත්පතක්ද සංස්කරණය කළේය.
නවකතා,පරිවර්තන, ධනාත්මක චින්තනය ඇතුළු විෂය පථයන් කිහිපයක් ආවරණය වන පරිදි, කෘතීන් විශාල ප්රමාණයක් ලියා පළ කර ඇති ප්රදීප් කුමාර බාලසුරියගේ ධනාත්මක චින්තනය පිළිබඳව ලියැවුණු කෘතීන් පාඨකයන් ආදරයෙන් වැළඳ ගත්හ. කලක් වෙළෙඳ ප්රචාරණ ක්ෂේත්රයටද සිය නිර්මාණ දායකත්වය ලබාදී ඇති ඔහු, කුලක,ප්රවේණි අටවා නොගත්, ඕනෑම පරම්පරාවක් සමඟ මිත්රශීලිව තම දැනුම හා සේවය බෙදාගත් අයෙකි.
ඔහුගේ දේහය මේ වන විට අංක: 33/F, පැරකුම් පෙදෙස,පහළගම,ගම්පහ. යන ලිපිනයෙහි, ඔහුගේ නිවසේ තැන්පත් කර ඇති අතර, අවසන් කටයුතු හෙට [ 7 වෙනි ඉරිදා] සවස 4 ට කසගහවත්ත පොදු සුසාන භූමියේදී සිදු කෙරේ.
Photo Credits: Amila Sampath Perera / Pradeepkumara Balasuriya
