Pasku Attack – වෙළුම් 88කින් සමන්විත පාස්කු ප්‍රහාරය පිළිබඳව සම්පූර්ණ වාර්තාව මහජන ආරක්ෂක අමාත්‍ය ටිරාන් අලස් විසින් කතෝලික සභාවට ලබා දීමට පියවර ගෙන තිබූ නමුත් මෙම වාර්තාවේ පිටු 1,500ක් පමණ අතුරුදන් බවට අගරදගරු මැල්කම් කාදිනල් රංජිත් හිමිපාණන් විසින් පසුගියදා මාධ්‍ය හමුවකදී ප්‍රකාශ කර සිටියහ. මෙම පිටපතෙහි අතුරුදන් වූ බව කියන පිටු සහිත වාර්තාව නුදුරේදීම කතෝලික සභාව වෙත ලබා දීමට කටයුතු කරන බව අමාත්‍යවරයා පවසයි.
මෙම වාර්තාව සීඩී තැටි කිහිපයක් ලෙසින් කතෝලික සභාව වෙත ලබා දී ඇති අතර එම සීඩී පට තුළ අඩංගු ඇතැම් වෙළුම් තාක්ෂණික කරුණක් හේතුවෙන් හානි වී ඇති බව පෙනී යන බවත් එම අතුරුදන් පිටු සහිත සීඩී තැටි යළි ලබාදීමට අදාළ පියවර මේ වනවිට ගනිමින් පවතින බවත් සඳහන් කළ අමාත්‍යවරයා එහි පිටු 1,500ක් පමණ අතුරුදන් යැයි කීම විශ්වාස කිරීම අසීරු බැවින්, යළිත් එම වෙළුම් අඩංගු සම්පූර්ණ වාර්තාවක් සීඩී තැටි ලෙස ලබාදීමට නීති කණ්ඩායම් කටයුතු කරමින් සිටින බව වැඩිදුරටත් පැවසීය.
Image Source: Lanka e News
