Nagarjuna ගේ රංගන ජීවිතය දශක හතරකට වඩා වැඩියි. රංගනය ඔහුට පවුලෙන්ම ලැබුණ උරුමයක්. තම පියා වන Nageswara Rao ගේ අඩිපාරේ යමින් රංගනයට පිවිසි ඔහු චිත්රපට නිෂ්පාදකවරයෙක්, රූපවාහිනී වැඩසටහන් ඉදිරිපත් කරන්නෙක් ලෙසින්ද කටයුතු කරනවා. මේ ඉන්දියාවේ සිනමාව, තම පියාගේ දැක්ම සහ ඔහුගේ චිත්රාගාරය පිළිබඳව ඔහු සමග සිදුකළ කතාබහක්.
• ඔබේ Annapurna Studio සහ Dolby ගැන කියන්න.
Dolby තාක්ෂණය නියෝජනය කරන්නෙ සිනමාවෙ උසස්ම තැනක්. එය සිනමාවෙ වර්තමානයත් අනාගතයත් නිරූපණය කරනවා. RRR චිත්රපටයෙන් ඒ බව පැහැදිලි වෙනවා. ඒක (Dolby) ජාත්යන්තර මට්ටමේ වැඩක්. වර්ණ, මේ හැම දෙයක්ම පැහැදිලිව, ජීවමානව තිබෙනවා.
• SS Rajamouli පවසා තිබුණා RRR චිත්රපටයේ වැඩකටයුතු සඳහා ජර්මනියට යන්න වුණු බවත්, මේ ආකෘතියේ නිර්මාණ ඉන්දියාවේ නිෂ්පාදනය අසීරු බවත්. චිත්රපට නිෂ්පාදකයෙක් විදිහට ඒ ගැන ඔබේ අදහස මොකක්ද?
ඔහු තමන්ගෙ චිත්රපට වෙනුවෙන් ගොඩක් මහන්සි වෙලා වැඩකරන කෙනෙක්. RRR චිත්රපටය ජාත්යන්තර තිරවල උතුරු අමෙරිකාව, ඕස්ට්රේලියාව, යුරෝපයේ තිරගත කරන බව ඔහු දැන සිටියා. ඔහු Avatar, Mission: Impossible වගේ (Dolby ශ්රේණිගත) චිත්රපට බලලා තිබුණා. ඔහුට ඕනෙ උනේ හොඳම දේ දෙන්න.
• Annapurna Studios වසර 50 සම්පූර්ණ කළා. ඔබේ ඉලක්ක මොනවද?
ආරම්භයේ ඉඳලම එය අභියෝගත් එක්ක ඉස්සරහට ගියා. තාත්තා එය පටන් ගත්ත දවසෙ ඉඳලා ගොඩක් අයට ඒ ගැන ප්රශ්න තිබුණා. එය පටන් ගැන්මෙ ඉඳලම සිනමාවේ නව මංපෙත් විවර කළා. අපි උත්සාහ කරන්නෙ සිනමාවට නව තාක්ෂණය ලබා දෙන්න. අපේ පවුල අවුරුදු 85 ක් මේ ක්ෂේත්රයේ ඉන්නවා. එය වර්ධනය වෙන හැටි, පරිණාමය වෙන හැටි අපි දැකලා තියෙනවා.
• චිත්රාගාරයේ කළ පළමු චිත්රපටය වුණේ ඔබේ පියා Nageswara Rao රඟපෑ Secretary (1976) චිත්රපටය. හයිද්රාබාදය තෙලිඟු චිත්රපට සඳහා සුදුසුම තැනක් බවට පත්වෙන්න එය බලපෑවා.
මගේ තාත්තා දූරදර්ශී කෙනෙක්. මම එතකොට එයාගෙ වැඩ කටයුතු ගැන දන්නෙ නැහැ. මම පොඩි නිසා. ඒත් එයා හම්බකෙරුව හැමදේම චිත්රාගාරය වෙනුවෙන් වැය කළා. එයාට අවශ්ය වුණේ ඒක උරුමය කරගන්න. අපිට සිනමාව සහ මාධ්ය විද්යාල තියෙනවා. ඒ හරහා ගොඩක් සිසුන් චිත්රපට නිෂ්පාදනය හදාරනවා.
• චිත්රපට නොමැතිව ඔබේ ජීවිතේ ගැන හිතන්න පුළුවන්ද?
බැහැ. චිත්රපට විනෝදාස්වාදය නැතිව ගෙවුණු Covid 19 කාලය ගැන හිතලා බලන්න. මිනිස්සු පිස්සු වැටෙන්න ඉඩ තිබුණා. චිත්රපට ඔබව වෙනත් ලෝකයකට අරන් යනවා. ඔබ වටේ සිද්ධවෙන දේවල් අමතක කරවනවා.
