Lash Look – රෙදි පිළි කර්මාන්ත ක්ෂේත්‍රය තුළ ජනාදරයට පත් Lash Look නිමි ඇඳුම් විලාසිතාගාරයේ නවතම ශාඛාව, පසුගිය 4 වෙනිදා ජා ඇල, මිගමු පාරේ අංක: 186 දරණ ස්ථානයේදී උත්සවාකාරයෙන් විවෘත කරනු ලැබුවා.
මෙම අවස්ථාව වෙනුවෙන් එම ව්‍යාපාර ජාලයේ හිමිකරු, යොහාන් සුරසිංහ සහ ඔහුගේ බිරිඳ සෙව්වන්දි වික්‍රමසිංහ සමඟ නව පරපුරේ ජනප්‍රිය රංගන ශිල්පීන් දෙපළක් වන සංගීත් ප්‍රභූ සහ කස්තුරි ජයවර්ධන මෙන්ම තවත් ආරාධිතයින් රැසක් එක්ව සිටියා.
මේ වන විට විවෘතව ඇති Lash Look ශාඛාවන්ගෙන් එක් ශාඛාවක් වෙන්නප්පුව – හලාවත පාරේ අංක: 22 දරණ ස්ථානයේ පිහිටා ඇති අතර අනෙක් ශාඛාව පිහිටා ඇත්තේ මිගමුව – කෙලින් විදියේ අංක: 393/A දරණ ස්ථානයේය.
ජා ඇල නව Lash Look ශාඛාව විවෘත කරමින් එහි හිමිකරු යොහාන් සුරසිංහ පවසා සිටියේ, අපනයන තත්වයේ, උසස් නිමාවකින් යුත් නිමි ඇඳුම්, ආකර්ෂණිය සහ ලාභදායි මිලකට සිය භාරිභෝගිකයින් වෙත ලබාදීම තම අරමුණ වූ බවත්, කොළඹ අග නගරය ආශ්‍රිතව රැකියාවන්හි නිරත පිරිස් ඉලක්ක කරගනිමින් මෙය විවෘත කළ බවත් ය. එමෙන්ම ජුලි 4 වෙනිදායින් ඇරඹි මුල් දෙසතිය තුළ රුපියල් 5000 කට වඩා වැඩි මිලදී ගැනීම් සඳහා 10% ක වට්ටමක් ලබාදිමට තීරණය කර ඇති බවත් හෙතෙම වැඩිදුරටත් පැවසිය.
