Kyle Phillip – නීතිවිරෝධී පන්දු යැවීමේ ඉරියව්වක් භාවිතා කරන බවට ICC’s Event Panel තහවුරු කිරීමෙන් පසු එක්සත් ජනපද ක්රීඩක කයිල් පිලිප්ට වහාම ක්රියාත්මක වන පරිදි ජාත්යන්තර ක්රිකට් තරඟවල පන්දු යැවීම තහනම් කර ඇත.
26 හැවිරිදි ක්රීඩකයා පසුගිය ජුනි 18 ඉරිදා බටහිර ඉන්දීය කොදෙව්වන්ට එරෙහිව පැවති ICC ක්රිකට් ලෝක කුසලාන සුදුසුකම් ලැබීමේ තරඟයට සහබාගි වීමෙන් පසුව මොහුගේ පන්දු යැවීම නීති විරෝදී බව තරඟ නිලධාරීන් විසින් ICC ය දැනුවත් කර තිබෙනවා.
ඉන්පසුව ICC Event පැනලය විසින් පිලිප්ගේ පන්දු යැවීමේ ඉරියව්වේ තරඟ දර්ශන සමාලෝචනය කර ඇති අතර ඔහු නීතිවිරෝධී පන්දු යැවීමේ ඉරියව්වක් භාවිතා කරන බව නිගමනය කර රෙගුලාසිවල 6.7 වගන්තියට අනුව ඔහුට ජාත්යන්තර ක්රිකට් පන්දු යැවීමේ තහනම නිකුත් කර තිබෙනවා.
ඔහුගේ පන්දු යැවීමේ ඉරියව්ව නැවත තක්සේරුවකට ඉදිරිපත් කරන තෙක් පිලිප්ගේ තහනම ක්රියාත්මක වේ.
