Israel Gaza War ඊශ්රායල – පලස්තීන ගැටුම් හේතුවෙන් මසකට වඩා වැඩි කාලයක් වසා දමා තිබු ඊජිප්තුව හරහා ගමන් කළ හැකි Rafah දේශ සීමාව පළමු වතාවට සිවිල් වැසියන්ට විවෘත කර තිබේ. එය විවෘත කිරීමත් සමඟම 400 කට වැඩි සිවිල් වැසියන් පිරිසක් ගාසා තීරයෙන් පිටව ගොස් ඇති බව පලස්තීන බලධාරීහු පවසති. ඒ අතර විදේශ ගමන් බලපත්ර හිමියන් 335 දෙනෙකු සහ ගැටුම් වලින් තුවාල ලැබූ ගාසාහි පදිංචිකරුවන් 76 දෙනෙකුද වූ බව ඔවුන් පවසයි. නිලධාරීන්ට අනුව, භූමියෙන් පිටව ගිය අය අතර බ්රිතාන්ය සහ ඇමරිකානු විදේශ ගමන් බලපත්ර හිමියන්ද වූ අතර ඇමරිකානු ජනාධිපති Joe Biden පවසන්නේ මෙම දේශ සීමාව විවෘත කිරීම “දැඩි සහ හදිසි රාජ්ය තාන්ත්රිකභාවයේ” ප්රතිඵලයක් බවයි.
ඔක්තෝබර් 7 වැනිදා හමාස් සංවිධානය විසින් ඊශ්රායලයට ප්රහාරයක් එල්ලකරමින් පුද්ගලයන් 239 දෙනෙකු ප්රාණ ඇපකරුවන් ලෙස පැහැරගෙන ගොස් පුද්ගලයන් 1,400 ක් ඝාතනය කර තිබිණි. ඊට ප්රතිප්රහාර ලෙස තමන් ගාසා තීරයට බෝම්බ හෙළීම ආරම්භ කළ බව ඊශ්රායලය පවසයි. ඊශ්රායලයේ ප්රතිප්රහාර ආරම්භ වූ දා සිට මේ දක්වා 8,700කට වැඩි පිරිසක් මියගොස් ඇති බව ගාසා තීරයේ හමාස් පාලනය කරන සෞඛ්ය අමාත්යාංශය සඳහන් කරයි.
Source – BBC Live Updates ඇසුරෙනි- by Rushdi Abualouf from Gaza
Photo Credits: www.bbcnews.com
