Iranian missile – පකිස්ථානයේ නිරිතදිග බලුකිස්තාන් පළාතේ Koh-e-Sabz ප්‍රදේශයේ, Jaish al-Dhulm ලෙස ඉරානය හඳුන්වන Jaish al-Adl නම් සුන්නි සටන්කාමී කල්ලියේ බලකොටු දෙකක් විනාශ කිරීමට තමන් “නිශ්චිත මිසයිල සහ ඩ්‍රෝන් ප්‍රහාර” භාවිතා කළ බව ඉරානය පවසයි. තම දේශසීමා තුළට ඉරානය විසින් ඊයේ [16 වෙනි අඟහරුවාදා] එල්ල කළ මෙම ගුවන් ප්‍රහාරය පකිස්ථානය විසින් දැඩි ලෙස හෙළා දුටු අතර එය “ඔවුන්ගේ ගුවන් සීමාව අනවසරයෙන් උල්ලංඝනය කිරීමක්” ලෙස හඳුන්වමින් ප්‍රතිප්‍රහාර ගැන අනතුරු ඇඟවීමක්ද කර තිබේ.
ඉරානය උතුරු ඉරාකයේ සහ සිරියාවේ මිසයිල ප්‍රහාර දියත් කරමින්, ඊශ්‍රායල ඔත්තු කඳවුර විනාශ කරන බව ප්‍රකාශ කර ඇති පසුබිමක මෙම ප්‍රහාරය සිදුවී ඇති අතර ජයිෂ් අල්-අඩ්ල් සටන්කාමී කණ්ඩායම කියා සිටියේ ඉරානය තම සටන්කාමීන්ගේ දරුවන් සහ භාර්යාවන් ජීවත් වූ නිවාස දෙකක් විනාශ කිරීමට ප්‍රහාරක ඩ්‍රෝන යානා හයක් සහ රොකට් ගණනාවක් භාවිතා කළ බවයි. බලුකිස්තාන් පළාතේ බලධාරීන් CNN පුවත් සේවය වෙත පැවසු ආකාරයට ගැහැණු ළමයින් දෙදෙනෙකු මියගොස් අවම වශයෙන් පුද්ගලයින් හතර දෙනෙකු තුවාල ලබා ඇත.මෙම ප්‍රහාරය සිදුව ඇත්තේ Panjgur දිස්ත්‍රික්කයේ සිට කිලෝමීටර් 60 ක් (සැතපුම් 37 ක්) පමණ දුරින් පිහිටි කුලාග් හි කෝ-ඊ-සබ්ස් ගම්මානයට එල්ල වූ මෙම ප්‍රහාරයෙන් හානියට පත් නිවාසවල විසු අට හැවිරිදි සහ 12 හැවිරිදි ගැහැණු ළමයින් දෙදෙනෙකු මිය ගිය බව එහි නියෝජ්‍ය දිස්ත්‍රික් නිලධාරි Mumtaz Khetran පැවසීය.
-CNN News ඇසුරෙනි- by Jonny Hallam, Asim Khan and Helen Regan.
Image Source: News Hub
