Iran President – අතුරුදන් වූ ඉරාන ජනාධිපති ඊබ්‍රහීම් රයිසි ඇතුළු පිරිස් සොයා මේ වනවිට කණ්ඩායම් 73 ක් හෙලිකොප්ටර් යානය කඩා වැටුණු බවට සැක කෙරෙන කදුකර ප්‍රදේශයේ සෝදිසි මෙහෙයුම්වල නිරත වන බවත් එහිදී ජනාධිපතිවරයා ගමන් ගත් හෙලිකොප්ටරයේ සුන්බුන් සොයා ගැනීමට, නියමුවන් රහිත ඩ්‍රෝන යානයක් සමත් වූ බව විදෙස් මාධ්‍ය වාර්තා කර තිබේ.
කදුකර ප්‍රදේශයේ සෝදිසි මෙහෙයුම්වල නියැලෙන කණ්ඩායම් වලට ඝන මීදුම බාධාවක් වී ඇති බවත් හෙලිකොප්ටරය කඩා වැටෙන්නට ඇත්තේද මෙම ඝන මීදුම නිසා යැයි පැවැසෙයි. දිවි ගලවා ගැනීමේ මෙහෙයුම් සිදුවන්නේ ඉරාන රතු අඩකව සංවිධානය සහ ඉරාන හමුදාව එක් වෙමිනි. තුර්කියෙන් තමන්ට ලැබුණු ඩ්‍රෝන යානායකට කඩා වැටුණු බව සැක කෙරෙන හෙලිකොප්ටරයේ සුන්බුන් හමුවුණු බව ඉරාන රතු අඩකව සංවිධානය නිකුත් කළ නිවේදනයක සඳහන් වේ. කෙසේ නමුත් මේ සම්බන්ධයෙන් ඉරාන රජය මේ වනතෙක් කිසිඳු ප්‍රකාශයක් නිකුත් කර නොමැත.
-NDTV ඇසුරෙනි-
