Hailey Bieber නිරූපිකාවක්, ව්යාපාරික කාන්තාවක් සහ මවක්. සුප්රකට වෙළඳ සන්නාමයක් වන Rhode (සම සුරැකීමේ නිෂ්පාදන) හි නිර්මාතෘවරිය ඇයයි. තම පෞද්ගලික ජීවිතය, YSL Beauty සහ විලාසිතා සන්නාමය වන Fila සමඟ කටයුතු කිරීම පිළිබඳ Harper’s Bazaar සමග පවසා සිටියා.
• මවක්, ව්යාපාරික කාන්තාවක් විදිහට “නිදහස” කියන දේ ඔබ හඳුන්වන්නෙ කොහොමද?
නිදහස කියන්නෙ පුළුවන් තරම් අව්යාජ විදිහට මගේ ජීවිතේ ගත කරන එක සහ මේ මොහොතේ මම කරන දෙයට අවංක වීම.
• ඔබ නිදහස් රාත්රියක් ගත කරන්නෙ කොහොමද? තනිවම හෝ සැමියා සමඟ රොමෑන්ටික් විදිහට ද?
මේ හැමදේම වෙන්න පුළුවන්. සෝෆා එකට වෙලා සනීපෙට ඉඳගෙන ෆිල්ම් එකක් හරි කැමතිම වැඩසටහනක් හරි බලන එක, මිතුරියන් එක්ක එළියට යන එක හෝ ආදරේ පිරුණු රාත්රියක් ගත කරන එක.
• අතීතයේ ඉඳලා මේ වෙනතුරු සුවඳ පිළිබඳව ඔබගෙ ආශාවන් වෙනස්වෙලා තියෙනවද? මොන විදිහේ සුවඳ වර්ගවලට ද ඔබ ආකර්ෂණය වෙන්නෙ?
ඒ ආශාව වෙනස් වුණේ නැහැ. සුවඳ වර්ග මාව එක එක මතකයන්, අත්දැකීම් වලට ආයෙම අරන් යන එකට මම කැමතියි. මම ආදරය කරන සුවඳ විලවුන් කිහිපයක් තියෙනවා. ඉන් එකක් තමයි Libre. ඒක අපූරු සුවඳක්.
• ඔබ Libre වෙත ආකර්ෂණය වුණේ ඇයි?
Libre Flowers & Flames වල තියෙන්නෙ පොල්, තැඹිලි, මල් සහ වැනිලා මිශ්ර සුවඳක්. ඒකට ඔයාගෙ මූඩ් එක වෙනස් කරන්න පුළුවන්. මම කැමතියි දවස පුරාම තියෙන සුවඳකට .
• ඔබ සුවඳ විලවුන් තෝරාගන්නේ කොහොමද? ඒවා මිශ්ර කරන්න කැමතිද? ඔබට ආවේණික විලවුන් වර්ගයක් තියෙනවද?
මට හොඳයි කියලා දැනෙන ඕනම දෙයක් මම පාවිච්චි කරනවා. නැවුම් හැඟීමක් ගෙන දෙන නිසා මම කැමතියි Libre Flowers & Flames ගාන්න. මගේ මූඩ් එකට ගැළපෙන්න සුවඳ වර්ග මිශ්ර කරලා ගාන්නත් මම දක්ෂයි.
• ඔබ Perfume පාවිච්චි කරන්නෙ කොහොමද?
මම ඒවා බෙල්ලට සහ මැණික් කටුවලට ඉසිනවා. ඊට පස්සෙ සුවඳ ගොඩක් වෙලා තියෙන්න ඇඳුම් පුරා ඉසිනවා. මම ඒවා දවසෙම ළඟ තියාගෙන ඉන්නෙ. කෙනෙක් ළඟට යනකොට එයාට මාව මතක හිටින හැඟීමක් දෙන්න මම ආසයි. ඉතින් Libre Flowers & Flames මට ඒ සඳහා උදව් කරනවා.
