French Wine – නිෂ්පාදකයින්ට සහාය වීමට සහ අතිරික්ත වයින් විනාශ කිරීමට ප්රංශ රජය යුරෝ මිලියන 200 ක් වෙන් කර ඇති බවට වාර්තා වෙයි. එයට ප්රධාන හේතුව වී ඇත්තේ බොහෝ පිරිසක් Craft Beer භාවිතයට පෙලඹී ඇති නිසා වයින් සදහා තිබූ ඉල්ලුම පහළ යාමයි. අතිරික්ත නිෂ්පාදන සහ ජීවන වියදම් අර්බුදයන්ද කර්මාන්තය අඩපණ කිරීමට හේතු වි ඇත. රජය වෙන් කළ යුරෝ මිලියන 200 න් වැඩි කොටසක් සුවඳ විලවුන් සහ පිරිසිදුකාරක අවශ්ය නිෂ්පාදනයට අවශ්ය මධ්යසාර තොග මිලදී ගැනීම සදහා භාවිතා කෙරෙනු ඇත.
මේ අතර අතිරික්ත නිෂ්පාදන නැවැත්වීමේ උත්සාහයක් ලෙස වයින් නිශ්පාදකයින් Olive වැනි වෙනත් නිෂ්පාදනයන් වෙත මාරු කිරීමට ද මුදල් ලබා දීමට නියමිත බවද සදහන් වේ. කර්මාන්තයට මුදල් යෙදවීමෙන් ආණ්ඩුව බලාපොරොත්තු වන්නේ, “වයින් මිල කඩා වැටීම නැවැත්වීම සහ එමගින් නව ආදායම් අවස්ථා සලසා දීමත් බව” ප්රංශ කෘෂිකර්ම අමාත්ය Marc Fesneau මහතා පැවසීය. එමෙන්ම “අනාගතය දෙස බලා පාරිභෝගිකයින්ගේ වෙනස්කම් සැළකිල්ලට ගෙන ඒ අනුව ඒවාට අනුවර්තනය විය යුතු බවද” ඒ මහතා වැඩි දුරටත් සසහන් කළේය.
පසුගිය වසරේ ජූනි සිට මේ වසරේ ජූනි දක්වා ගෙවුණු අවුරුද්දක කාලයේදී, යුරෝපීය කොමිසමේ දත්ත පෙන්නුම් කරන පරිදි, ඉතාලියේ 7%, ස්පාඤ්ඤයේ 10%, ප්රංශයේ 15%, ජර්මනියේ 22% සහ පෘතුගාලයේ 34% පමණ වයින් පරිභෝජනය පහත වැටී ඇති නමුත්, ලොව විශාලතම වයින් නිෂ්පාදන ප්රදේශය වන Bloc හි නිෂ්පාදනය 4% කින් ඉහළ ගොස් තිබේ.
-BBC News ඇසුරෙනි-
Photo Credit: www.liquor.com / www.thelocal.com / www.sciencephoto.com
