Emmanuel Macron – ප්රංශ ජනපති එමානුවෙල් මැක්රොන් හෙට [28] රාත්රියේ ශ්රී ලංකාවට පැමිණීමට නියමිත බව එරට ජනාධිපති නිල නිවස වන එලිසේ මාළිගය නිවේදනයක් නිකුත් කරමින් සඳහන් කර සිටිනවා. ඔහු ශ්රී ලංකාවට පැමිණෙන්නේ වනාටු සහ පැපුවා නිව්ගිනි සංචාරයන් නිම කිරීමෙන් අනතුරුව වන අතර ප්රංශ ජනාධිපතිවරයෙකු ශ්රී ලංකාවේ සංචාරයක නිරත වන පළමු අවස්ථාවද මෙයයි.
ප්රංශ ජනාධිපතිවරයා 29 වනදා නැවත ශ්රී ලංකාවෙන් පිටව යෑමට නියමිත අතර ඊට පෙර ජනපති රනිල් වික්රමසිංහ මුණ ගැසීමට නියමිතය. මෙම හමුව ශ්රී ලංකාව සහ ප්රංශය අතර ද්වි පාර්ශ්වික සබඳතා තවත් ශක්තිමත් කර ගැනීමට අවස්ථාවක් බවත්, දෙරට මුහුණදෙන කලාපීය සහ ජාත්යන්තර අභියෝග පිළිබඳ සාකච්ඡා කිරීමට ඉඩ ප්රස්ථා ලැබෙනු ඇති බවත් එලීසේ මාළිගය වැඩිදුරටත් සඳහන් කර තිබෙනවා.
